जिल्ला सप्तरी, कन्चपुर न.पा. वडा नं. १ बस्ने कमल किशोर राज यादव उपर बिगो रु. ५०,०००।- कायम गरी घुस/रिसवत सम्बन्धी भ्रष्टाचार मुद्दामा प्रतिकूल बकपत्र गरेको सम्बन्धी आरोप-पत्र दायर।
प्रेस विज्ञप्ति :- मिति २०७८।०८।१४ गते ।
-------------------------------------------------
विशेष अदालत, काठमाडौंमा दर्ता भएको घुस/रिसवत मुद्दाको प्रतिवादी प्रकाश सिंह कार्कीसमेत भएको मुद्दामा जिल्ला सप्तरी कन्चनपुर न.पा. वडा नं. १ बस्ने निवेदक कमल किशोर राज यादवले बिशेष अदालतमा बकपत्रका क्रममा प्रतिकूल बकपत्र गरेको सम्बन्धमा अनुसन्धान हुँदा निज कमल किशोर राज यादवलाई उक्त मुद्दाको अनुसन्धानको क्रममा भ्रष्टाचार निवारण ऐन, २०५९ को दफा ५५ बमोजिम सजायमा पूर्ण छुट दिएर प्रतिवादी नबनाई सरकारी साक्षीको रुपमा पेश गरिएकोमा निजले विशेष अदालत, काठमाडौं समक्ष उपस्थित भई वकपत्र गर्दा आयोगबाट अनुसन्धानको क्रममा गरिएका कागजातहरुको व्यहोराको प्रतिकूल हुने गरी बकपत्र गरेको हुँदा निजले गरेको कार्य भ्रष्टाचार निवारण ऐन, २०५९ को दफा ३ को उपदफा (३) बमोजिमको भ्रष्टाचारजन्य कसूरमा निज कमल किशोर राज यादवलाई रु. ५०,०००।- (अक्षेरुपी पचास हजार रुपैयाँ) बिगो कायम गरी भ्रष्टाचार निवारण ऐन, २०५९ को दफा ५५ को प्रतिबन्धनात्मक वाक्याशंबमोजिम भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (ख) बमोजिम जरिवाना र कैद सजाय हुन मागदावी लिर्इ आज विशेष अदालत, काठमाडौंमा आरोपपत्र दायर गरिएको छ।
प्रवक्ता
नारायण प्रसाद रिसाल
Tweet