जिल्ला सिरहा, श्री आधारभूत प्राथमिक विद्यालयका शिक्षक भोगीलाल यादवउपर झुठ्ठा/नक्कली स्थायी अध्यापन अनुमतिपत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०९।०१ गते ।
-------------------------------------------------
जिल्ला सिरहा, श्री आधारभूत प्राथमिक विद्यालयमा कार्यरत शिक्षक भोगीलाल यादवले नक्कली स्थायी अध्यापन अनुमति-पत्र बनाई अस्थायी शिक्षकमा नियुक्ति लिएकोले छानबिन गरी कानूनी कारवाही हुन भन्ने उजुरी निवेदन सम्बन्धमा अनुसन्धान हुँदा निजले श्री आधारभूत प्राथमिक विद्यालय धन्छवारमा लागत अनुदान (PCF) प्रा.वि. तहको अस्थायी शिक्षक पदको लागि झुठ्ठा/नक्कली स्थायी अध्यापन अनुमतिपत्रको प्रमाणपत्र पेश गरी अस्थायी शिक्षक पदमा नियुक्ति लिई राष्ट्रसेवकको ओहोदा प्राप्त गरी लामो समयसम्म अध्यापन गरी लाभसमेत लिएको हुँदा निजको उक्त कार्य प्रचलित भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर गरेको देखिंदा निज भोगीलाल यादवलाई सोही ऐनको दफा १६ को उपदफा (१) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
तारानाथ अधिकारी
Tweet