जिल्ला बैतडी, बटैराज प्राथमिक विद्यालयका तत्कालीन शिक्षक/प्रधानाध्यापक रतन सिंह भण्डारी र बिद्यालय व्यवस्थापन समितिका अध्यक्ष टेकसिंह भण्डारीउपर बिगो रु. ८३,१००।– कायम गरी सरकारी रकम हिनामिना गरेको सम्बन्धी आरोप-पत्र दायर।
प्रेस विज्ञप्ति :- मिति २०७७।०३।२९ गते ।
-------------------------------------------------
जिल्ला शिक्षा कार्यालय वैतडीका तत्कालीन जिल्ला शिक्षा अधिकारी, पूर्व जि.शि.अ., स्रोतव्यक्तिसमेतको मिलेमतोमा बटैराज प्रा.बि.का शिक्षक रतन सिंह भण्डारी कर्तब्य ज्यान मुद्दामा दोषी ठहर भएपश्चात निजलाई निलम्बन नगरी बिद्यालयबाट पाउने तलब भत्ता सुबिधा प्रदान गरी भ्रष्टचार गरेको हुँदा छानबिन गरीपाउँ भन्ने व्यहोराको उजुरी सम्बन्धमा अनुसन्धान हुँदा निज रतन सिंह भण्डारीले बिद्यालय व्यवस्थापन समितिका अध्यक्ष टेकसिंह भण्डारीको सहमतिमा रु. ८३,१००।– सरकारी रकम बुझी लिएको देखिन आएको हुँदा बटैराज प्राथमिक विद्यालयका तत्कालीन शिक्षक/प्रधानाध्यापक रतन सिंह भण्डारी र बिद्यालय व्यवस्थापन समितिका अध्यक्ष टेकसिंह भण्डारीले भ्रष्टाचार निवारण ऐन, २०५९ को परिच्छेद २ को दफा १७ बमोजिम कसुर गरेको देखिंदा निजहरुलाई भ्रष्टाचार निवारण ऐन, २०५९ को दफा १७ मा उल्लेख भएबमोजिम बिगो रु. ८३,१००।–(त्रियासी हजार एक सय रुपैयाँ) कायम गरी सोही ऐनको दफा ३ को उपदफा (१) र दफा ३ को उपदफा (१) को दहाय खण्ड (ग) बमोजिम सजाय गरी सोही ऐनको दफा १७ बमोजिम हिनामिना गरेको बिगो असुलउपर गरी पाउन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Download
Tweet