नेपाल प्रहरीका प्रहरी जवान प्रेम बहादुर रैकालउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०३।२५ गते ।
-------------------------------------------------
कन्चनपुर जिल्ला, भीमदत्त नगरपालिका वडा नम्बर-५ निवासी प्रेम बहादुर रैकालले नक्कली शैक्षिक योग्यताको प्रमाणपत्र पेश गरी नेपाल प्रहरीको प्रहरी जवान पदमा नियुक्ति भई कार्यरत रहेको भन्ने उजुरी सम्बन्धमा अनुसन्धान हुँदा निजले श्री गणेश माध्यमिक विद्यालय, भुर्सा, कञ्चनपुरबाट कक्षा-८ पास गरेको नक्कली एवं झुठ्ठा प्रमाणपत्र पेश गरी मिति २०७०।०६।१५ मा नेपाल प्रहरीको प्रहरी जवान पदमा स्थायी नियुक्ति भई लाभसमेत लिएको पुष्टि हुन आएकोले निजको उक्त कार्य भ्रष्टाचार निवारण ऐन, २०५९ को दफा १६ को उपदफा (१) अनुसारको कसुरजन्य कार्य देखिन आएको हुँदा निज प्रेम बहादुर रैकाललाई भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Download
Tweet