पोखरा महानगरपालिका, नगरकार्यपालिकाको कार्यालय, न्यूरोड कास्कीमा सहायकस्तर चौथो पदमा कार्यरत राम प्रसाद भट्टराई उपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०३।२३ गते ।
-------------------------------------------------
पोखरा महानगरपालिका, नगरकार्यपालिकाको कार्यालय, न्यूरोड कास्कीमा सहायकस्तर चौथो पदमा कार्यरत कर्मचारी राम प्रसाद भट्टराईसमेतको शैक्षिक योग्यताको प्रमाणपत्र छानविन गरी पाउँ भन्ने उजुरी सम्बन्धमा अनुसन्धान हुँदा निजले श्री भानुभक्त आचार्य माध्यमिक विद्यालय गल्याङ स्याङजाबाट कक्षा-१० टेष्ट उत्तीर्ण गरेको झुठ्ठा शैक्षिक प्रमाणपत्र पेश गरी पोखरा महानगरपालिकामा कार्यरत रही लाभ लिएको र निजको उक्त कार्य भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएकोले निज राम प्रसाद भट्टराईलाई भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Tweet