श्री राष्ट्रिय मा.वि. पहरिया कृष्णपुर कञ्चनपुरका शिक्षक बिस्ना कुमारी साउद उपर आरोप-पत्र दायर।
प्रेस विज्ञप्ति :- मिति २०७७।०३।०३ गते ।
-------------------------------------------------
श्री राष्ट्रिय मा.वि. पहरिया कृष्णपुर कञ्चनपुरका शिक्षक बिस्ना कुमारी साउदले शिक्षक सेवा आयोग भक्तपुरको अस्थायी करार सूचीमा नाम रहेको अर्की बिस्ना साउदको नाउँमा एक बर्षदेखि अस्थाई सूचीको शिक्षक भई जागिर खाइरहेकोले दोषीलाई कारवाही हुन भन्ने उजुरी सम्बन्धमा अनुसन्धान हुँदा कृष्णपुर न.पा. वडा नं. १ पहरिया बस्ने बिस्ना कुमारी साउद (ना.प्र.नं. १००३/१९१६९ कञ्चनपुर) ले शुक्लाफाँटा न.पा. वडा नं. ६ बस्ने बिस्ना कुमारी साउद (ना.प्र.नं. ७४१०१२ डडेलधुरा) को शिक्षक सेवा आयोगको करार सूचीमा प्रकाशित नामलाई नाम, थर मिलेको आधारमा सो व्यक्ति आफू भएको भनी आफूले नपाएको अधिकार वा हैसियत प्रयोग गरेको तथा झुठ्ठा विवरण पेश गरी शिक्षक पदमा नियुक्ति लिई लाभ तथा सुविधासमेत लिएको देखिंदा निजले गरेको उक्त कार्य भ्रष्टाचार निवारण ऐन, २०५९ को दफा १५ र सोही ऐनको दफा १६ को उपदफा (१) अनुसारको भ्रष्टाचारजन्य कसुर भएको स-प्रमाण पुष्टि हुन आएको हुँदा निज बिस्ना कुमारी साउद (ना.प्र.नं. १००३/१९१६९, कञ्चनपुर) लाई भ्रष्टाचार निवारण ऐन, २०५९ को दफा १५ र सोही ऐनको दफा १६ को उपदफा (१) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Tweet