श्री नागार्जुन नगरपालिका कार्यालय, काठमाडौंमा प्राविधिक सहायक (ना.सु.) पदमा कार्यरत भुवन गिरी उपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०३।०३ गते ।
-------------------------------------------------
श्री नागार्जुन नगरपालिका कार्यालय, काठमाडौंमा प्राविधिक सहायक (ना.सु.) पदमा कार्यरत भुवन गिरीले शुरु नियुक्ति हुँदा एस.एल.सी. वा सो सरहको शैक्षिक योग्यताको प्रमाण-पत्र झुठ्ठा एवं नक्कली पेश गरी रामकोट गा.वि.स. कार्यालय काठमाडौंमा सोही शैक्षिक प्रमाण-पत्रको आधारमा ना.सु. सरहको पदमा बढुवासमेत भई कार्यरत रही सरकारी लाभ लिई भ्रष्टाचार गरेको भन्ने उजुरी सम्बन्धमा अनुसन्धान हुँदा निजले नागार्जुन नगरपालिका कार्यालय, काठमाडौंमा प्राविधिक सहायक (चौथो तह) पदमा सेवा प्रवेश गर्नका लागि सोनाई पण्डित प्राथमिक सह माध्यमिक संस्कृत विद्यालय देवधा (मधुवनी) बाट मध्यमा पास गरेको उक्त प्रमाण-पत्र नक्कली झुठ्ठा पेश गरी प्राविधिक सहायक (चौथो तह) पदमा नियुक्ति पाई राष्ट्रसेवकको ओहोदामा वहाल रही निजले साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको देखिंदा निज भुवन गिरीलाई साविक भ्रष्टाचार निवारण ऐन, २०१७ को दफा १२ तथा दफा २९ को उपदफा (२) र प्रचलित भ्रष्टाचार निवारण ऐन, २०५९ को दफा १६ को उपदफा (१) बमोजिमको सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Download
Tweet