तत्कालीन अवस्थाको बल्थली खानेपानी उपभोक्ता समिति काभ्रेका अध्यक्ष चेतनाथ भारतीउपर आरोप-पत्र दायर।
प्रेस विज्ञप्ति:- मिति २०७७।०२।०१ गते।
------------------------------------------
निवेदक चेतनाथ भारती तत्कालीन अवस्थाको बल्थली खानेपानी उपभोक्ता समितिको अध्यक्ष हुँदा उक्त समितिको नाममा निकासा भएको रकमको काम सम्पन्न भई बिल पास गरिदिएबापत खानेपानी तथा सरसफाई डिभिजन कार्यालय धुलिखेल, काभ्रेका इन्जिनियर पदमा कार्यरत शेखरनाथ खनाललाई घुस/रिसवत दिएको सम्बन्धमा विशेष अदालत काठमाडौंमा मिति २०७५।०९।२० मा दर्ता भएको आरोप-पत्रको सुनुवाइको क्रममा निवेदक साक्षी चेतनाथ भारतीले अदालतमा प्रतिकुल वकपत्र गरेको भन्ने सम्बन्धमा अनुसन्धान हुँदा उजुरी कर्ता चेतनाथ भारतीले विशेष अदालतमा मिति २०७६।०९।२० गतेका दिन वकपत्र गर्दा यस आयोगमा दिएको उजुरी व्यहोराविपरित वकपत्र गरेकोले मुख्य अभियुक्त प्रतिवादी शेखरनाथ खनाललाई निजले घुस/रिसवत लिई भ्रष्टाचार गरेको अभियोगबाट छुटकारा गराउने उद्देश्यले प्रतिकुल वकपत्र गरी आयोगलाई असहयोग गरेको देखिंदा निज उजुरी कर्ता साक्षी चेतनाथ भारतीले भ्रष्टाचार निवारण ऐन, २०५९ को दफा ५५ को प्रतिबध्यात्मक वाक्यांश एवं विशेष अदालत ऐन, २०५९ को दफा ९ मा उल्लेख भएबमोजिम भ्रष्टाचार निवारण ऐन, २०५९ को दफा ३ को उपदफा (३) बमोजिमको कसुर गरेको हुँदा सोही दफा ३ को उपदफा (३) मा उल्लेख भएबमोजिम भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (घ) बमोजिम जरिवाना र कैद सजाय हुन मागदाबी आज विशेष अदालत, काठमाडौंमा आरोप-पत्र दायर गरिएको छ।
प्रवक्ता
प्रदीपकुमार कोइराला
Download
Tweet