यातायात व्यवस्था कार्यालय बुटवलका तत्कालीन कार्यालय प्रमुख तथा परीक्षा समितिका अध्यक्ष आनन्द केशरी पोखरेल र ट्रायल परीक्षा समितिका सदस्य तथा तत्कालीन पश्चिम क्षेत्रीय ट्राफिक प्रहरी कार्यालय, रुपन्देहीका प्रहरी निरीक्षक रविन्द्र श्रेष्ठउपर आरोपपत्र दायर ।
प्रेस विज्ञप्ति :- मिति २०७६।०९।११ गते ।
---------------------------------------------------
यातायात व्यवस्था कार्यालय बुटवल, रुपन्देहीका तत्कालीन कार्यालय प्रमुख आनन्द केशरी पोखरेलले ट्रायल फेल भएका व्यक्तिबाट रकम लिई सवारी चालक अनुमतिपत्र वितरण गरेको भन्ने उजुरी निवेदनउपर अनुसन्धान हुँदा तत्कालीन यातायात व्यवस्था कार्यालय बुटवलका कार्यालय प्रमुख तथा परीक्षा समितिका अध्यक्ष आनन्द केशरी पोखरेल र ट्रायल परीक्षा समितिका सदस्य तथा तत्कालीन पश्चिम क्षेत्रीय ट्राफिक प्रहरी कार्यालय, रुपन्देहीका प्रहरी निरीक्षक रविन्द्र श्रेष्ठले आफ्नो कार्यकालमा ट्रायल परीक्षामा Fail/Absent भएका ७१ जना (New License- 71) लाई रिजल्टमा पास भएको भनी निर्णय गरी फेल भएकाहरुको नाममा सवारी चालक अनुमतिपत्र जारी गरी परीक्षाको परिणाम फेरवदल गरेको देखिएकोले निजहरुको उक्त कार्य भ्रष्टाचार निवारण ऐन, २०५९ को दफा १३ बमोजिमको कसुर भएकोले निजहरुलाई सोही ऐनको दफा १३ बमोजिम कैद र जरिवाना हुन मागदावी लिई आज विशेष अदालत, काठमाडौंमा आरोपपत्र दायर गरिएको छ ।
प्रवक्ता
प्रदीपकुमार कोइराला
Tweet