नेपाल विद्युत प्राधिकरण, जनसाधन विभागमा फोरम्यान (तह-४) पदमा कार्यरत कृष्णकुमार भण्डारीउपर आरोपपत्र दायर।
प्रेस विज्ञप्ति :- मिति २०७६।०९।०१ गते ।
---------------------------------------------------
नेपाल विद्युत प्राधिकरण, जनसाधन विभागमा फोरम्यान (तह-४) पदमा कार्यरत कृष्णकुमार भण्डारीको शैक्षिक योग्यताको प्रमाणपत्र नक्कली रहेको भन्ने उजुरीउपर अनुसन्धान हुँदा निजले श्री कपिलाकोट मा.वि. सिन्धुलीबाट SLC (Test) तहको झुठ्ठा शैक्षिक योग्यताको प्रमाणपत्र पेश गरी सेवामा प्रवेश गरी बढुवासमेत भई लाभ लिएको पुष्टि हुन आएको हुँदा निजको उक्त कार्य साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको देखिएको हुँदा निज कृष्णकुमार भण्डारीलाई साविक भ्रष्टाचार निवारण ऐन, २०१७ को दफा १२ तथा दफा २९ को उपदफा २ र प्रचलित भ्रष्टाचार निवारण ऐन, २०५९ को दफा १६ को उपदफा (१) बमोजिमको सजाय हुन मागदावी लिई आज विशेष अदालत, काठमाडौंमा आरोपपत्र दायर गरिएको छ ।
प्रवक्ता
प्रदीपकुमार कोइराला
Tweet