जनशिशु कल्याण प्राथमिक विद्यालय, जोरपोखरी, तनहुँकी शिक्षिका तिलमाया गुरुङउपर आरोपपत्र दायर।
प्रेस विज्ञप्ति :- मिति २०७६।०९।०१ गते ।
---------------------------------------------------
जनशिशु कल्याण प्राथमिक विद्यालय, जोरपोखरी, तनहुँकी शिक्षिका तिलमाया गुरुङको शैक्षिक योग्यताको प्रमाणपत्र नक्कली रहेको भन्ने उजुरी उपर अनुसन्धान हुँदा जनशिशु कल्याण प्राथमिक विद्यालय, जोरपोखरी, तनहुँकी शिक्षिका तिलमाया गुरुङले विहार संस्कृत शिक्षा बोर्ड, पटना, भारतबाट मध्यमा तहको झुठ्ठा शैक्षिक प्रमाणपत्र पेश गरी नियुक्ति लिई हालसम्म कार्यरत रही सरकारी सुविधा तथा लाभसमेत लिएको देखिँदा निजको उक्त कार्य साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको देखिन आएको हुँदा निज शिक्षिका तिलमाया गुरुङलाई साविक भ्रष्टाचार निवारण ऐन, २०१७ को दफा १२ र ऐ. ऐनको दफा २९ को उपदफा (२) तथा भ्रष्टाचार निवारण ऐन, २०५९ को दफा १६ को उपदफा (१) बमोजिमको सजाय हुन मागदावी लिई आज विशेष अदालत, काठमाडौंमा आरोपपत्र दायर गरिएको छ ।
प्रवक्ता
प्रदीपकुमार कोइराला
Tweet