श्री राष्ट्रिय प्राथमिक विद्यालय, साविक लक्ष्मी निवास गा.वि.स. वडा नं. ८ धनुषाकी शिक्षक संगीता कुमारी महतो बिरुद्ध आरोपपत्र दायर।
प्रेस विज्ञप्ति :- मिति २०७६।०८।०४ गते ।
---------------------------------------
श्री राष्ट्रिय प्राथमिक विद्यालय, साविक लक्ष्मी निवास गा.वि.स. वडा नं. ८ धनुषाकी शिक्षक संगीता कुमारी महतोले नक्कली अध्यापन अनुमति पत्र पेश गरी मिति २०६४।०७।११ मा प्राथमिक तहको राहत कोटामा शिक्षक पदमा नियुक्ति लिएको भन्ने उजुरीउपर अनुसन्धान हुँदा निजले शिक्षक सेवा प्राथमिक तह राहत कोटामा नियुक्ति हुँदाका बखत शिक्षक सेवा आयोग, सानोठिमी भक्तपुरबाट प्राप्त प्रा.वि. तहको स्थायी अध्यापन अनुमति पत्र झुठ्ठा एवं नक्कली पेश गरी सरकारी लाभ/सुविधा लिएको पुष्टी भएकोले निजले गरेको उक्त कार्य भ्रटाचार निवारण ऐन, २०५९ को दफा १६ को उपदफा (१) बमोजिमको कसुर गरेको देखिंदा निज संगीता कुमारी महतोलाई भ्रष्टाचार निवारण ऐन, २०५९ को दफा १६ को उपदफा (१) बमोजिमको सजाय हुन मागदावी लिई आज विशेष अदालत काठमाडौंमा आरोपपत्र दायर गरिएको छ ।
प्रवक्ता
प्रदीपकुमार कोइराला
Tweet