प्रेस विज्ञप्ति :- मिति २०७६।०७।२७ गते ।

---------------------------------------------

 

कपिलवस्तु जिल्ला, महाराजगंज नगरपालिका, कपिलवस्तुमा करार कर्मचारी भर्नाको सूचना अनुसार दरखास्त दिएका सिभिल इञ्जिनियर पदका उम्मेदवारले ई-विडिङ सम्बन्धी विषयको तालिम (Electronic Government Procurement (E-GP) Training) को किर्ते सर्टिफिकेट बनाई कर्मचारी र उम्मेदवारको मिलेमतोमा आफ्नो मान्छेलाई मात्र संक्षिप्त सूचीमा राखी नियुक्त गरेको भन्ने उजुरीउपर अनुसन्धान हुँदा महाराजगंज नगरपालिका, नगर कार्यपालिकाको कार्यालय, महाराजगंज कपिलवस्तुका इन्जिनियर संतोषकुमार चौधरीले नक्कली झुठ्ठा ई-विडिङ सम्बन्धी विषयको तालिम (Electronic Government Procurement (E-GP) Training) को प्रमाणपत्र पेश गरी उक्त कार्यालयको इन्जिनियर (करार) पदमा नियुक्ति भई सरकारी सेवा सुविधा लिई भ्रष्टाचार निवारण ऐन, २०५९ को दफा १६ को उपदफा (१) बमोजिम कसुर गरेको देखिंदा निज इन्जिनियर संतोषकुमार चौधरीलाई भ्रष्टाचार निवारण ऐन,२०५९ को दफा १६ को उपदफा (१) बमोजिमको सजाय हुन मागदावी लिई आज विशेष अदालत काठमाडौंमा आरोपपत्र दायर गरिएको छ ।

 

प्रवक्ता

प्रदीपकुमार कोइराला