प्रेस विज्ञप्ति:- मिति २०८२।०३।०२ गते।

------------------------------------------

 

तिलाठी कोईलाडी गाउँपालिका, गाउँ कार्यपालिका कार्यालय सप्तरीमा तत्कालीन सव-इन्जिनियर (प्राविधिक सहायक) पदमा कार्यरत दिपेन्द्र कुमार झा भनिने दिपेन्द्र कुमारले सव-इन्जिनियर पदमा करार नियुक्ति लिने प्रयोजनका लागि पेश गरेको शैक्षिक योग्यताको प्रमाणपत्रहरु नक्‍कली रहेको भन्‍ने उजुरी निवेदन सम्बन्धमा अनुसन्धान हुँदा निज दिपेन्द्र कुमारले तिलाठी कोईलाडी गाउँपालिका, तिलाठी, सप्तरीमा सव-इन्जिनियर पदमा करार नियुक्ति लिनका लागि Diploma in Civil Engineering Academic Transcript, Tribhuvan University, Institute Of Engineering, Western Region Campus, Lamachaur, Pokhara  बाट उत्तीर्ण गरेको भनी Character Certificate समेतका नक्कली शैक्षिक योग्यताको प्रमाणपत्र पेश गरी नियुक्ति लिई ओहोदा, लाभ र सुविधा प्राप्त गरेकोले निजलाई भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुरमा भ्रष्टाचार निवारण ऐन, २०५९ को दफा १६ को उपदफा (१) बमोजिम कैद र जरिवाना सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको छ।

 

सहायक प्रवक्ता

देवी प्रसाद थपलिया