नेपाल बैक लिमिटेडका संचालक समितिका तत्कालीन अध्यक्ष डा. चन्द्र बहादुर अधिकारीसमेत ६ जना उपर अकला देबी ट्रेडर्शको ऋण प्रक्रियामा सहजीकरण गरिदिने भनी घुस/रिसवत लिई/दिई भ्रष्टाचार गरेको सम्बन्धी आरोपपत्र दायर।
प्रेस विज्ञप्ति:- मिति २०८२।०२।२६ गते।
------------------------------------------
नेपाल बैक लिमिटेडका संचालक समितिका तत्कालीन अध्यक्ष डा. चन्द्र बहादुर अधिकारीले जिल्ला तनहुँ आबुँखेरेनी -१ मा रहेको अकला देबी ट्रेडर्शको ऋण प्रक्रियामा सहजीकरण गरिदिन्छु भनी रू.५० लाख घुस रिसवत लिएको भन्ने उजुरी निवेदन सम्बन्धमा अनुसन्धान हुँदा जिल्ला तनहु आबुखेरेनी -१ मा संचालनमा रहेको अकला देबी ट्रेडर्शलाई बैङ्कमा धितो राखी रू.२५,००,००,०००।– (पच्चीस करोड) सम्म रकम ऋण बापत निकाल्ने योजनाका साथ दान बहादुर कार्की, सुन्दर बहादुर बाँनिया र नारायण प्रसाद बरालले नेपाल बैङ्क लिमिटेड प्रधान कार्यालय न्युरोड, शाखा कार्यालय कालिमाटी र शाखा कार्यालय डुम्रे तनहुँमा समेत ऋण प्रयोजनको लागि प्रक्रिया अगाडि बढाउँदा तत्काल माग बमोजिमको ऋण रकम उपलब्ध नभए पश्चात निज दान बहादुर कार्की, सुन्दर बहादुर बाँनिया र नारायण प्रसाद बराल र सन्तोष सुवेदी मार्फत नेपाल बैक लिमिटेडका संचालक समितिका तत्कालीन अध्यक्ष चन्द्र बहादुर अधिकारीसम्म पुगेको देखिएको।
प्रतिवादी चन्द्र बहादुर अधिकारीले सन्तोष सुबेदी मार्फत दान बहादुर कार्की, नारायण प्रसाद बराल र सुन्दर बहादुर बानियासँग ऋण रकम रू.२५,००,००,०००।–(पच्चीस करोड) को २% अर्थात रू. ५०,००,०००।-(अक्षरेपी पचास लाख) रकम घुस रिसवत बापत माग गरी लिन दिन सहमत भई मिति २०८१/०५/१६ सन्तोष सुबेदीको नामको एन.आई.सी. एसिया बैङ्कको खाताबाट रू.७ लाख रुपैया जम्मा भएको देखिएको।उक्त रकम जम्मा गरेको भोलिपल्ट मिति २०८१/०५/१७ गते सन्तोष सुबेदीले एन.आई.सी. एसिया बैङ्कको खाताबाट उक्त रू.७,००,०००।- (अक्षरेपी सात लाख) रकम मध्येबाट रू.५,००,०००।-(पाँच लाख) अबिनाश श्रेष्ठको नबिल बैक लिमिटेडको खातामा जम्मा गरिदिएकोमा सो रू.५,००,०००।-(अक्षरेपी पाँच लाख) रकम तत्कालै अबिनाश श्रेष्ठले आफ्नो खाताबाट चन्द्र बहादुर अधिकारीको श्रीमती मधुमाया अधिकारीको राष्ट्रिय वाणिज्य बैंकमा रहेको खातामा जम्मा गरी दिएको। देखिएको।सो खाताबाट मिति २०८१/०५/१७ गते रु.१,००,०००।-(एक लाख) र मिति २०८१/०५/१८ गते रु.२,००,०००।- (अक्षरेपी दुई लाख) र मिति २०८१/०५/१९ मा बाकी रु.२,००,०००।- (दुई लाख) निज मधुमाया अधिकारीको राष्ट्रिय बाणिज्य बैङ्कको अर्को खातामा स्थानान्तरण गरेको देखिन्छ।मधुमाया अधिकारीको उल्लेखित खाताबाट मिति २०८१/०५/३० गते रू.९९०,०००।- (अक्षरेपी नौ लाख नब्बे हजार) लक्की खान भन्ने खुस नसिब अन्सारीले निकाली पुन: सो रकम चन्द्र बहादुर अधिकारीले आफ्नो नेपाल बैङ्कको खातामा मिति २०८१/०६/०८ (२०२४/०९/२४) मा रु.२,००,०००।-(अक्षरेपी दुई लाख) र मिति २०८१/०६/१० (२०२४/०९/२६) मा रु.४,००,०००।–(अक्षेरुपी चार लाख) गरी जम्मा रू.६,००,०००।–(अक्षेरुपी छ लाख) प्राप्त गरेको देखिएको।साथै, रू.५,००,०००।-(अक्षरेपी पाँच लाख) ट्रान्सफर गर्न लगाएको देखिएको। क्रमश...
(नोट: थप जानकारीको लागि डाउनलोडमा थिच्नुहोला)
प्रवक्ता
राजेन्द्र कुमार पौडेल
आरोपपत्र प्रेशबिज्ञप्ति आरोपपत्र प्रेशबिज्ञप्ति
Tweet