बी.पी. कोइराला मेमोरियल क्यान्सर अस्पताल भरतपुर, चितवनमा तत्कालीन असिस्टेन्ट पदमा कार्यरत सुक बहादुर तामाङ्ग उपर शैक्षिक योग्यताको नक्कली प्रमाणपत्र सम्बन्धी आरोप-पत्र दायर।
प्रेस विज्ञप्ति:- मिति २०८१।०३।१६ गते।
------------------------------------------
बी.पी. कोइराला मेमोरियल क्यान्सर अस्पताल भरतपुर, चितवनको प्रशासनतर्फ जुनियर असिस्टेन्ट पदमा कार्यरत कर्मचारी सुक बहादुर तामाङ्गले असिस्टेन्ट पदमा बढुवाको लागि पेश गरेको शैक्षिक योग्यताको प्रमाणपत्र नक्कली रहेको भन्ने उजुरी निवेदन सम्बन्धमा अनुसन्धान हुँदा तत्कालीन असिस्टेन्ट पदमा कार्यरत शुक बहादुर तमाङ्ग भन्ने सुक बहादुर तामाङ्गले श्री पद्मोदय माध्यामिक बिद्यालय रामशाह पथ काठमाडौंबाट एस.एल.सी. उत्तीर्ण गरेको भनी जुनियर असिस्टेन्ट पदबाट असिस्टेन्ट पदमा बढुवा प्रयोजनार्थ नक्कली शैक्षिक योग्यताको प्रमाणपत्र पेश गरी बढुवा भई ओहोदा, लाभ र सुविधा प्राप्त गरेकोले निजको उक्त कार्य भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएको हुँदा निज शुक बहादुर तमाङ्ग भन्ने सुक बहादुर तामाङ्गलाई भ्रष्टाचार निवारण ऐन, २०५९ को दफा १६ को उपदफा (१) बमोजिम कैद र जरिवाना सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ।
प्रवक्ता
नरहरि घिमिरे
Download
Download
Tweet