प्रेस विज्ञप्ति:- मिति २०८०।१२।०१ गते।

------------------------------------------

 

जिल्ला मुगु, सोरु गाउँपालिका वडा नं. ९ साविक कालै गा.वि.स. वडा नं. २, ३, ४ स्थित सिड्डिखोलादेखि फुक्यालसम्मको आर.सी.सी. सिंचाई कुलो निर्माणका लागि आ.ब. २०७२।०७३ मा उपलब्ध गराएको रकम हिनामिना गरेको भन्ने उजुरी निवेदन सम्बन्धमा अनुसन्धान हुँदा तत्कालीन जिल्ला प्राविधिक कार्यालय मुगुका जिल्ला इन्जिनियर तथा कार्यालय प्रमुख देवी प्रसाद पाण्डेले जिल्ला मुगु, सोरु गाउँपालिका वडा नं. ९ साविक कालै गा.वि.स. वडा नं. २, ३, ४ स्थित सिड्डिखोलादेखि फुक्यालसम्मको आर.सी.सी. सिंचाई कुलो निर्माणमा निजले भुक्तानी गरेको रकमबाट सिड्डीखोला सिंचाई आयोजनामा नापी किताब, कार्य सम्पन्न प्रतिवेदन अनुसार RCC Canal Lining works, Pipe Line works को रु.१४,१७,९३५।५५ बराबरको कार्य सम्पन्न नगरी नेपाल सरकारलाई गैरकानूनी हानिनोक्सानी पुर्‍याउने कार्य गरी भ्रष्टाचार निवारण ऐन,२०५९ को दफा ८ को उपदफा (१) को देहाय (ङ) बमोजिमको कसुर गरेकोले निज देवी प्रसाद पाण्डेलाई रु.१४,१७,९३५।५५ (चौध लाख सत्र हजार नौ सय पैतीस रुपैयाँ पचपन्न पैसा मात्र) बिगो कायम गरी ऐ.ऐनको दफा ८ को उपदफा (१) बमोजिम कैद र जरिवाना हुन एवं बिगो समेत असुलउपर हुन मागदाबी लिइएको छ। क्रमश...

 

(नोट: थप जानकारीको लागि डाउनलोडमा थिच्नुहोला)

 

प्रवक्ता

 नरहरि घिमिरे