प्रेस विज्ञप्ति:- मिति २०८०।११।२४ गते।

------------------------------------------

 

जिल्ला बारा, पचरौता नगरपालिका वडा नं. ४ (साबिक बेलदारी गा.वि.स. वडा नं.४) को कि.नं. १७३ क्षेत्रफल ०-९-५ जग्गामा कुनै पनि कच्ची वा पक्की सडक बाटो नभएको खेतीयोग्य जमिन रहेको भनी गलत सिफारिसको आधारमा राजस्व छली भएको भन्ने उजुरी निवेदन सम्बन्धमा अनुसन्धान हुँदा पचरौता नगरपालिका वडा नं. ४ का वडाध्यक्ष कन्हैयालाल यादवले जिल्ला बारा पचरौता नगरपालिका वडा नं. ४ साबिक बेलदारी गा.बि.स. वडा नं. ४ स्थित कि.नं. १७३ ज.बि. ०-९-५ को पक्की सडकबाटोले छोएको जग्गालाई कुनैपनि किसिमको बाटोले नछोएको खेतीयोग्य जामिन भनी गलत घरबाटो सिफारिस गरी गराई बिक्रीकर्ता र खरिदकर्ताले तिर्नुपर्ने पुँजीगत लाभकर एवं रजिष्ट्रेसन शुल्कबापतको राजस्व रकम रु.८,११,९५१।– नबुझाएको कारण नेपाल सरकारलाई हानिनोक्सानी पुग्न गएकोले निज कन्हैयालाल यादवलाई रु.८,११,९५१।–(आठ लाख एघार हजार नौ सय एकाउन्न रुपैयाँ) बिगो कायम गरी भ्रष्टाचार निबारण ऐन, २०५९ को दफा ८ को उपदफा ३  तथा दफा ९ बमोजिमको कसुरमा ऐ.ऐ. ऐनको दफा ८ को उपदफा ३ तथा दफा ९ बमोजिम सजाय हुन मागदाबी लिइएको छ। क्रमश...

 

(नोट: थप जानकारीको लागि डाउनलोडमा थिच्नुहोला)

 

 

प्रवक्ता

नरहरि घिमिरे