प्रेस विज्ञप्ति:- मिति २०८०।११।१५ गते।

------------------------------------------

 

जिल्ला  सुनसरी, कोशी गाउँपालिका वडा नं. १ स्थित श्री राष्ट्रिय माध्यमिक विद्यालय लौकहीका प्राथमिक तहका शिक्षक बालेश्वर यादवले नेपाल सरकारद्वारा (Council for Technical Education and Vocational Training) CTEVT/ प्राविधिक शिक्षा तथा व्यवसायिक तालिम परिषद्‍मार्फत प्रदान गरिने चिकित्सा शिक्षा अध्ययन छात्रवृत्ति अन्तर्गत हेल्थ असिष्टेन्ट (Health Assistant/H.A) विषयको खुल्ला कोटा अन्तर्गत न्युरो मेडिकल कलेज विराटनगर मोरङमा शैक्षिक वर्ष २०७५/०७६ देखि ३ वर्षे अध्ययन अवधिमा बिद्यालयमा अनुपस्थित भएको अवधिको तलब भत्ता सुविधा लिएको भन्ने उजुरी निवेदन सम्बन्धमा अनुसन्धान हुँदा राष्ट्रिय माध्यामिक विद्यालय लौकही सुनसरीका शिक्षक बालेश्वर यादवले आफू न्युरो हेल्थ कलेज विराटनगरमा अध्ययनरत रहँदाको दिन ९१ (एकान्नब्बे) फर्जी हाजिरी जनाई तथा दिन ४७ (सत्चालीस) गयल समेत भई तोकिएको सरकारी कामकाज नगरी विद्यालयलाई हानि पुर्‍याई जम्मा रु.१,३०,८४३।०२ (एक लाख तीस हजार आठ सय त्रिचालीस रूपैयाँ दुई पैसा) तलव भत्ताको रुपमा गैरकानूनी लाभ लिएको हुँदा निजको उल्लिखित कार्य भ्रष्टाचार निवारण ऐन, २०५९ को दफा ८ को उपदफा (३) बमोजिमको कसुर भएकोले निजउपर सोही ऐनको ऐ. दफाको ऐ. उपदफामा उल्लेख भएअनुसार हदैसम्मको कैद तथा बिगो बमोजिम जरिवाना हुनसमेत सजायको मागदाबी लिइएको छ। क्रमश...

 

(नोट: थप जानकारीको लागि डाउनलोडमा थिच्नुहोला)

 

 

प्रवक्ता

नरहरि घिमिरे