Online
Complaint

महानगरीय प्रहरी बृत्त नयाँबानेश्वरमा कार्यरत प्रहरी हवल्दार तारा कुमारी श्रेष्ठसमेत ३ जनाउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति:- मिति २०७८।०३।३१ गते ।
----------------------------------------------------

महानगरीय प्रहरी बृत्त नयाँबानेश्वरमा कार्यरत प्र.ह. तारा कुमारी श्रेष्ठले भन्सार चोरी निकासीको अभियोगमा त्रिभुवन विमानस्थल भन्सार कार्यालय गौचर काठमाडौंले महानगरी प्रहरी बृत्त गौशालाको हिरासतमा राखेको व्यक्तिलाई धरौटीमा छुटाई दिन्छु भनी सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग, टंगालबाट खटि गएको टोलीद्वारा निज तारा कुमारी श्रेष्ठलाई सेवाग्राहीबाट घुस/रिसवत लिई Old Town Café and Pub Restaurant Chabahil  का संचालक अनिश जोशीलाई राख्न दिएको अवस्थामा उक्त रकमसहित निजहरु दुवैलाई मिति २०७७।११।२३ गते नियन्त्रणमा लिइएको थियो ।

अनुसन्धानको सिलसिलामा महानगरीय प्रहरी बृत्त नयाँबानेश्वरमा कार्यरत प्र.ह. तारा कुमारी श्रेष्ठले थुनामा रहेको व्यक्ति धरौटीमा छुटाईदिने भनी सेवाग्राहीबाट रु.६०,०००।– घुस/रिसवत माग गरी अनिश जोशीलाई  लिन लगाई आफूले अनिशबाट उक्त रकम लिने गरी गरिएको प्रस्तुत कार्य भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरजन्य कार्य भएकोले निज तारा कुमारी श्रेष्ठ उपर बिगो रु. ६०,०००।- (साठी हजार रुपैयाँ) कायम गरी ऐ. ऐनको दफा ३ को उपदफा (१) र दफा ३ को उपदफा (१) को खण्ड (ग) बमोजिम सजाय हुन मागदाबी लिइएको छ । 

यसै गरी अनिश जोशीले तारा कुमारी श्रेष्ठले भनेबमोजिम थुनाबाट छुटाउन भनी सेवाग्राहीबाट तारा कुमारी श्रेष्ठको लागि रु.६०,०००।- लिएको प्रमाणित हुन आएको र निजको उक्त कार्य भ्रष्टाचार निवारण ऐन, २०५९ को दफा ३ को उपदफा (२) बमोजिमको कसुरजन्य कार्य भएकोले  निज उपर बिगो रु.६०,०००।- (साठी हजार रुपैयाँ) कायम गरी ऐ. ऐनको दफा ३ को उपदफा (१) र दफा ३ को उपदफा (१) को खण्ड (ग) बमोजिम सजाय हुन मागदाबी लिइएको छ ।

साथै थुनामा रहेको व्यक्ति छुटाउन भनी सेवाग्राहीबाट अनिश जोशीले लिई तारा कुमारी श्रेष्ठलाई दिएको रु.६०,०००।– मध्येबाट त्रिभुवन बिमानस्थल भन्सार कार्यालयका कार्यालय सहयोगी (करार) को रूपमा कार्यरत राम खड्काले तारा कुमारी श्रेष्ठबाट रु.३०,०००।- लिएको पुष्टि हुन आएकोले निजको उक्त कार्य भ्रष्‍टाचार निवारण ऐन, २०५९ को दफा ३ को उपदफा (१) को कसुरजन्य कार्य भएकोले निज राम बहादुर खड्का उपर बिगो रु.३०,०००।-(तीस हजार रुपैयाँ) कायम गरी ऐ. ऐनको दफा ३ को उपदफा (१) र दफा ३ को उपदफा (१) को खण्ड (ख) बमोजिम सजाय हुन मागदाबी लिई अख्तियार दुरूपयोग अनुसन्धान आयोग ऐन, २०४८ को दफा १८ र दफा ३५ बमोजिम आज विशेष अदालत, काठमाडौंमा आरोपपत्र दायर गरिएको छ।

प्रवक्ता
नारायण प्रसाद रिसाल

 

 

 

Download Now
  

Other Press Release

जिल्ला दाङ, सल्लेरी सामुदायिक वन उपभोक्ता समितिका तत्कालीन अध्यक्ष दिपक घर्तीसमेत ३ जना उपर बिगो रु. ४,५२,२६५।– कायम गरी गैरकानूनी लाभ तथा हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/09/20
साविक नेपाल खाद्य संस्थान, मुख्य शाखा कार्यालय, लाहान, सिराहाका प्रमुख गंगा प्रसाद साहसमेत ४ जनाउपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/09/20
तनहुँ जिल्ला साविकको घाँसीकुवा गा.वि.स.का तत्कालीन गा.वि.स. सचिव रामराज न्यौपानेसमेत ७ जनाउपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/09/12
एस.आर.डी. कन्स्ट्रक्सन नवलपरासीका प्रोपाइटरहरु रमेश पराजुली र सन्दिप के.सी. उपर बिगो रु.७५,८०,६४९।– कायम गरी गैरकानूनी लाभ तथा हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/09/12
नेपाल बैक लिमिटेड मंलगवा शाखा, सर्लाहीको सहायक पदमा कार्यरत सन्तोष बिक्रम शाहसमेत ३ जनाउपर बिगो रु. ४२,००,०००।- कायम गरी सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/09/07
शहिद लालध्वज मार्ग उपभोक्ता समिति, शुक्लागण्डकी नगरपालिका-१, तनहुँका तत्कालिन अध्यक्ष डिल्लीराम अधिकारीसमेत ५ जनाउपर गैरकानूनी लाभ तथा हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/08/26
प्रधानमन्त्री कृषि आधुनिकीकरण परियोजना, कार्यान्वयन इकाई, स्याउ जोन, डोल्पाका कार्यालय प्रमुख हश्मुल्लाह मुसलमानउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2021/08/25
साविक राम जनता आधारभूत बिद्यालय, सर्लाहीका तत्कालीन प्रधानाध्यापक राम लखन चौधरी र शिक्षक रबिन्द्र नाथ चौधरीउपर नक्कली अध्यापन अनुमतिपत्र सम्बन्धी आरोप-पत्र दायर।
2021/08/25