Online
Complaint

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

मालपोत कार्यालय लेखनाथ, कास्कीमा कार्यरत खरिदार प्रकाश पौडेल र लेखापढी व्यवसायी मनहरी भट्टराई बिरुद्ध आरोपपत्र दायर ।


प्रेस विज्ञप्ति :- मिति २०७६।०७।२६ गते ।
---------------------------------------
 
मालपोत कार्यालय लेखनाथ, कास्कीमा कार्यरत खरिदार प्रकाश पौडेल र लेखापढी व्यवसायी  मनहरी भट्टराईले सेवाग्राहीको जग्गा नामसारी गरी दिने कार्यका लागि मिलेमतो गरी घुस/रिसवत माग गरिरहेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको कार्यालय पोखराबाट खटिई गएको टोलीले निज खरिदार प्रकाश पौडेल र लेखापढी व्यवसायी  मनहरी भट्टराईलाई रू.१२,०००।– (बाह्र हजार) घुस रिसवत लिइसकेको अवस्थामा पोखरा महानगरपालिका वडा नं. २९ मालपोत कार्यालय परिसर नजिकबाट उक्त रकम सहित रङ्गेहात नियन्त्रणमा लिईएको थियो।
अनुसन्धानको सिलसिलामा मातपोत कार्यालय, लेखनाथ कास्कीमा मुद्दा फाँटमा कार्यरत खरिदार प्रकाश पौडेलले सेवाग्राहीको जग्गा नामसारी गर्ने कार्यका लागि लेखापढी व्यवसाय गर्ने मनहरी भट्टराईसँग मिलेमतो गरी निजमार्फत घुस/रिसवत रु.१२,०००।–(बाह्र हजार) सेवाग्राहीबाट लिन लगाई खरिदार प्रकाश पौडेलले लिएको अवस्थामा बरामद भएको तथ्य पुष्टि हुन आएकोले निज राष्ट्रसेवक कर्मचारी प्रकाश पौडेललाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुर अपराध भएको देखिंदा विगो रु.१२,०००।–(बाह्र हजार) कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (क) बमोजिम जरिवाना र कैद सजाय हुन मागदाबी लिइएको साथै लेखापढी व्यवसायी मनहरी भट्टराईको हकमा निजले नामसारी गर्ने कार्यका लागि खरिदार प्रकाश पौडेल र आफूसमेतको लागि घुस/रिसवत रकम लिई प्रकाश पौडेललाई उपलब्ध गराएको पुष्टि हुन आएकोले निज मनहरी भट्टराईलाई भ्रष्टाचार निवारण ऐन, २०५९ को दफा ३ को उपदफा (२) को कसुरमा विगो रु.१२,०००।–(बाह्र हजार) कायम गरी भ्रष्टाचार निवारण ऐन, २०५९ को दफा ३ को उपदफा (२) ले निर्देश गरेबमोजिम ऐ. ऐनको दफा (३) को उपदफा (१) र दफा ३ को उपदफा (१) को खण्ड (क) बमोजिम जरिवाना र कैद सजाय हुन मागदाबी लिई आज विशेष अदालत काठमाडौंमा आरोपपत्र दायर गरिएको छ ।
 
प्रवक्ता
प्रदीपकुमार कोइराला

Download Now
  

Other Press Release

जिल्ला सुनसरी, इटहरी उपमहानगरपालिकाका लेखा अधिकृत विकाश पोख्रेलउपर बिगो रु. ६५,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/08/02
प्रहरी चौकी गौरीशंकर, सर्लाहीका प्रहरी सहायक निरीक्षक राम विश्वास राय यादवउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/07/30
जलस्रोत तथा सिंचाई विकास डिभिजन कार्यालय खोटाङका कार्यालय प्रमुख नारायण काजी श्रेष्ठउपर बिगो रु. ९,३४,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/07/29
खानेपानी, सिंचाई तथा उर्जा विकास कार्यालय दैलेखमा कार्यरत सव-इन्जिनियर द्वय रन्जित कुमार श्रेष्ठ र विरेन्द्र चन्दउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/07/29
खानेपानी, सिंचाई तथा उर्जा विकास कार्यालय दैलेखमा कार्यरत सव-इन्जिनियर द्वय रन्जित कुमार श्रेष्ठ र विरेन्द्र चन्दउपर बिगो रु. ४५,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/07/29
भूमिसुधार तथा मालपोत कार्यालय राजविराज, सप्तरीका ना.सु. कृष्ण बल्लभ ठाकुरउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/07/29
जिल्ला दाङ घोराही उप-महानगरपालिका वडा नं. १८ बस्ने गोविन्द शाह र ऐ. जिल्ला लमही नगरपालिका वडा नं. ५ बस्ने समीर भण्डारीउपर घुस/रिसवत दिई भ्रष्टाचार गरेको सम्बन्धी आरोप-पत्र दायर।
2020/07/29