Online
Complaint

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

जिल्ला अदालत सिरहाका हलुका सवारी चालक व्रिजमोहन यादव र विरदेव सिंह भन्ने विरीदेव महतोउपर आरोपपत्र दायर ।


प्रेस विज्ञप्ति :- मिति २०७६।०७।१४ गते ।
---------------------------------------

जिल्ला अदालत सिरहाका हलुका सवारी चालक व्रिजमोहन यादवले अदालतमा विचाराधिन लागु औषधसम्बन्धी मुद्दा मिलाई दिन्छु भनी सेवाग्राहीसँग घुस/रिसवत माग गरिरहेको भन्ने सूचना एवं उजुरीका आधारमा अख्तियार दुरूपयोग अनुसन्धान आयोगको कार्यालय बर्दिबासबाट खटिई गएको टोलीले निज हलुका सवारी चालक व्रिजमोहन यादवलाई सेवाग्राहीसँग रू.१,१०,०००।–(एक लाख दश हजार मात्र) घुस वापतको रकम लिइसकेको अवस्थामा सिरहा नगरपालिका वडा नं. ७ हस्पिटल चोकस्थित खड्ग होटलबाट उक्त रकमसहित रङ्गेहात नियन्त्रणमा लिइएको थियो ।
अनुसन्धानका सिलसिलामा आधार प्रमाण र कारणहरुबाट सिरहा जिल्ला अदालतका हलुका सवारी चालक व्रिजमोहन यादवले जिल्ला अदालतमा कारवाहीयुक्त अवस्थामा रहेको लागु औषध मुद्दा मिलाउन भनी रकमको बार्गेनिङ गरी आफ्नो जिम्मेवारी र पदीय दायित्वसमेतको ख्याल नगरी बदनियतपूर्वक घुस/रिसवत् दिन बाध्य पारी सोवापतको रकम रु. १,१०,०००।–(एक लाख दस हजार मात्र) लिई भ्रष्टाचार निवारण ऐन, २०५९ को दफा ३ को उपदफा (१) को कसुर अपराध गरेको साथै फरार रहेका विरदेव सिंह भन्ने विरीदेव महतोले उक्त मुद्दा मिलाई दिने बहानामा व्रिजमोहन यादवसँग एकआपसमा मिलेमतो गरी व्रिजमोहन यादवलाई उक्त रकम लिन पठाई निजले उक्त रकम लिई विरीदेव महतोलाई रकम दिन नपाउँदै पक्राउ परेको र विरीदेव महतो हालसम्म फरार रहेको समेतका आधार प्रमाणबाट निजको कार्यसमेत भ्रष्टाचार निवारण ऐन, २०५९ को दफा ३ को उपदफा (२) को कसुर अपराध गरेको देखिएकाले विगो रु. १,१०,०००।– (एक लाख दस हजार मात्र) कायम गरी आरोपितहरु द्वय व्रिजमोहन यादव र विरदेव सिंह भन्ने विरीदेव महतोलाई भ्रष्टाचार निवारण ऐन, २०५९ को दफा ३  को उपदफा (१)  तथा दफा ३ को उपदफा (१) को देहाय खण्ड (घ) बमोजिम सजायको मागदाबी लिई आज विशेष अदालत काठमाडौंमा आरोपपत्र दायर गरिएको छ ।


प्रवक्ता
प्रदीपकुमार कोइराला

Download Now
  

Other Press Release

कारागार कार्यालय भिमफेदी, मकवानपुरका जेलर चिरञ्जिवी थापा र निजकी श्रीमती गोमा कट्टेल थापा बिरुद्ध आरोपपत्र दायर।
2019/11/17
भूमिसुधार तथा मालपोत कार्यालय, तौलिहवा, कपिलवस्तुका खरिदारद्वय सूर्यप्रसाद मिश्र र दुर्गाप्रसाद चौधरी बिरुद्ध आरोपपत्र दायर।
2019/11/14
महाराजगंज नगरपालिका,नगर कार्यपालिकाको कार्यालय, महाराजगंज, कपिलवस्तुका इन्जिनियर (करार) संतोषकुमार चौधरी बिरुद्ध आरोपपत्र दायर गरिएको ।
2019/11/13
श्री कफल कटेश्वर प्रा.वि., छतिवन, डोटीका प्रधानाध्यापक नरबहादुर रावलउपर आरोप-पत्र दायर गरिएको ।
2019/11/13
मालपोत कार्यालय लेखनाथ, कास्कीमा कार्यरत खरिदार प्रकाश पौडेल र लेखापढी व्यवसायी मनहरी भट्टराई बिरुद्ध आरोपपत्र दायर ।
2019/11/12
सशस्त्र प्रहरी बल बि.ओ.पी. भजनी कैलालीका प्रहरी निरीक्षक रबिन्द्र कार्की, प्रहरी सहायक हवल्दार ज्ञान बहादुर चौधरी र प्रहरी जवान रतिराम चौधरी बिरुद्ध आरोपपत्र दायर गरिएको ।
2019/11/06