Online
Complaint
visit nepal logo

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

राष्ट्रिय चिया तथा कफी विकास बोर्ड, क्षेत्रीय कार्यालय, पोखराका तत्कालीन निमित्त कार्यालय प्रमुख रघुपती चौधरीउपर आरोप-पत्र दायर गरिएको ।


प्रेस विज्ञप्ति:- मिति २०७६।०५।१८ गते
---------------------------------------

राष्ट्रिय चिया तथा कफी विकास बोर्ड, क्षेत्रीय कार्यालय, पोखराका तत्कालीन निमित्त  कार्यालय प्रमुख रघुपती चौधरी समेतले वार्षिक कार्यक्रम बमोजिम कफी खेतीको प्रवर्द्धनका लागि कृषकहरूलाई उपलब्ध गराएको Moisture Meter  अनुदानबापत कृषकहरूबाट बुझाइएको रकम रसिद काटी बैंक दाखिलासहित लेखामा प्रविष्ट गर्नुपर्नेमा सो नगरी अनियमितता गरेको भन्ने विषयको उजुरीउपर अनुसन्धान हुँदा निज तत्कालीन निमित्त कार्यालय प्रमुख रघुपती चौधरीले राष्ट्रिय चिया तथा कफी विकास बोर्ड, क्षेत्रीय कार्यालय, पोखराले कफी खेतीको प्रवर्द्धनका लागि कृषकहरूलाई उपलब्ध गराएको Moisture Meter र पल्पर मेशिन ५०% अनुदानबापत कृषकहरूबाट बुझाइएको कुल रकम रू.६३,५७७।–(त्रिसठ्ठी हजार पाँचसय सतहत्तर रूपैयाँ) रसिद काटी बैंक दाखिलासहित लेखामा प्रविष्ट गर्नुपर्नेमा सो नगरी नेपाल सरकारलाई रू.६३,५७७।-(त्रिसठ्ठी हजार पाँचसय सतहत्तर रूपैयाँ) बराबरको राजस्व रकम हानिनोक्सानी पुर्‍याएको देखिएकोले निजको उक्त कार्य भ्रष्टाचार निवारण ऐन, २०५९ को दफा ७ को खण्ड (ग) बमोजिमको कसुर पुष्टि हुन आएकोले निज तत्कालीन कार्यालय प्रमुख रघुपती चौधरीलाई भ्रष्टाचार निवारण ऐन,२०५९ को दफा ७ ले व्यवस्था गरेबमोजिम भ्रष्टाचार निवारण ऐन, २०५९को दफा ३ को उपदफा (१) र सोही ऐनको दफा ३ को उपदफा (१) को देहाय खण्ड (ग) बमोजिम विगो रू.६३,५७७।–(त्रिसठ्ठी हजार पाँचसय सतहत्तर रूपैयाँ) कायम गरी कैद सजायका साथै सो विगो असुल गरी जफत हुन र भ्रष्टाचार निवारण ऐन, २०५९ को दफा ७ बमोजिम चुहावट भएको राजस्व रकम रू.६३,५७७।–(त्रिसठ्ठी हजार पाँचसय सतहत्तर रूपैयाँ) को दोब्बर जरिवाना गरी पाउन मागदावी लिई आज विशेष अदालत काठमाडौंमा आरोप-पत्र दायर गरिएको छ ।


प्रवक्ता
प्रदीपकुमार कोइराला

Download Now
  

Other Press Release

जिल्ला रुपन्देही, सम्मरीमाई गाउँपालिका वडा नं. ५ का वडाध्यक्ष श्रवण कुमार यादवउपर बिगो रु. ७०,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/03/22
भानु नगरपालिका, नगर कार्यपालिकाको कार्यालयमा कार्यालय सहयोगी पदमा कार्यरत हेलन गुरुङउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/03/20
श्री साझापुर उच्च माध्यमिक विद्यालय, मेघौली-४, चितवनमा राहत दरबन्दीका तत्कालीन शिक्षक नारायण शर्मा उपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/03/20
नेपाल विद्युत प्राधिकरण जलेश्वर महोत्तरीका तत्कालीन सुपरभाइजर महंथ मण्डल उपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
सुर्योदय उच्च माध्यमिक विद्यालय, हुम्लामा कार्यरत शिक्षक जितेन्द्र कुमार झाउपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
नेपाल विद्युत् प्राधिकरण, ग्रिड महाशाखा, चौकिटोल, हेटौंडामा कार्यरत हेल्पर लोकनाथ खनाल उपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
श्री माध्यमिक विद्यालय, लगडी गदियानी, सिरहाका प्रा.वि. द्वितीय श्रेणीमा कार्यरत स्थायी शिक्षक राम नारायण यादवउपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20