Online
Complaint

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

रामनगर गाउँपालिका, सर्लाहीमा कार्यरत इन्जिनियर रामजी बाबु यादव उपर आरोप-पत्र दायर गरिएको ।


प्रेस विज्ञप्ति:- मिति २०७६।०४।२७ गते
-------------------------------------------
रामनगर गाउँपालिका, सर्लाहीमा कार्यरत इन्जिनियर रामजी बाबु यादव उपर आरोप-पत्र दायर गरिएको ।
---------------------------------------------------------------------------------------------------------------------
रामनगर गाउँपालिका, सर्लाहीमा कार्यरत इन्जिनियर रामजी बाबु यादव उपर विशेष अदालत काठमाडौंमा आरोप-पत्र दायर गरिएको छ ।
निजले गाउँपालिकाको बजेटबाट विद्युत जडान गर्ने (विद्युतको पोल, तार, ट्रान्सफर्मर) कार्यको प्राविधिक मूल्याङ्कन सहितको कार्य सम्पन्न प्रतिवेदन तयार गरी भुक्तानी दिन सहज गराई दिए बापत सेवाग्राहीसँग घुस/रिसवत माग गरिरहेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको कार्यालय, बर्दिवास, महोत्तरीबाट खटिई गएको टोलीले निजलाई सेवाग्राहीसँग रू.५०,०००।–(पचास हजार) घुस वापतको रकम लिइसकेको अवस्थामा रङ्गेहात नियन्त्रणमा लिएको थियो ।
अनुसन्धानको क्रममा भेटिएका आधार, कारण एवं सबुत प्रमाणहरूसमेतबाट निज इन्जिनियर रामजी बाबु यादवले गाउँपालिकाभित्र विद्युत जडान गर्ने कार्यको क्रममा भुक्तानी प्रकृयाको सहजीकरण गरिदिएबापत रू.५०,०००।– घुस रकम लिई भ्रष्टाचार निवारण ऐन, २०५९ को दफा दफा ३ को उपदफा (१) को कसुर गरेको सप्रमाण पुष्टि हुन आएकोले निजलाई बिगो रु.५०,०००।–(पचास हजार) कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (ख) बमोजिम जरिवाना र कैद सजाय हुन मागदाबी लिई आज विशेष अदालत काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला

Download Now
  

Other Press Release

जिल्ला तनहुँ धरमपानी गाविस स्थित ग्रामीण विकास समाज धरमपानीका अध्यक्ष नर बहादुर गुरूङसमेत २ जना उपर आरोप-पत्र दायर गरिएको ।
2019/10/18
नापी कार्यालय भक्तपुरमा कार्यरत नापी सर्भेक्षकद्वय सिद्धराज जोशी र वीरभद्र जोशी उपर आरोप-पत्र दायर गरिएको ।
2019/10/17
सव डिभिजन वन कार्यालय, प्रतापपुर, नवलपरासी (वर्दघाट-सुस्ता पश्चिम) का सहायक वन अधिकृत पर्शुराम चौधरीसमेत २ जना उपर आरोप-पत्र दायर गरिएको ।
2019/10/17
महानगरीय प्रहरी प्रभाग थली, काठमाडौंमा कार्यरत प्रहरी नायव निरीक्षक विपिन चन्द्र पन्त उपर आरोप-पत्र दायर गरिएको ।
2019/10/16
श्रीसिया नौ.त.ज.गाउँ विकास समिति पर्साका तत्कालीन गाविस सचिव जितेन्द्र कुमार मिश्रसमेत ३ जना उपर आरोप-पत्र दायर गरिएको छ ।
2019/10/16