प्रेस विज्ञप्ति :- मिति २०८१।०५।०९ गते ।

-------------------------------------------------

 

अख्तियार दुरुपयोग अनुसन्धान आयोगबाट: 

 प्रतिवादीहरु कृषि ज्ञान केन्द्र, कालीकोट (हालः कृषि विकास कार्यालय, कालीकोट) का तत्कालीन निमित्त कार्यालय प्रमुख भरतबहादुर बस्नेत, खाँडाचक्र नगरपालिका, कालीकोटका तत्कालीन इन्जिनियर सुमित भट्ट र खानेपानी, सिंचाई तथा उर्जा विकास कार्यालय, कालीकोटका तत्कालीन सब-इन्जिनियर गुरुराज संज्यालसमेतले सम्भाव्यता अध्ययनसमेत नगरी आयोजनाका लागि आवश्यक विद्युत आपूर्तिसमेत नभएको अबस्थामा सो स्थानमा हाइटेक नर्सरी सञ्चालन गर्न उपयुक्त छ भनी सिफारिस समेत गरी लागत अनुमान तयार गर्न आवश्यक पुष्टयाईंका आधारहरु संलग्न नगरी हचुवाको भरमा लागत अनुमान तयार गरी अनुदान ग्रहण गरी नर्सरी सञ्चालन नआएको अबस्थामा सिमनाथ कृषि विकास सहकारी संस्था लिमिटेडबाट जडान भएका मालसामानहरुको अवलोकन तथा परीक्षण नै नगरी कार्य सम्पन्न प्रतिवेदन तयार गरी सोही प्रतिवेदन समेतका आधारमा रु.६६,५०,०००।-  भुक्तानी गरी भ्रष्टाचार निवारण ऐन, २०५९ को दफा ८ को उपदफा (१) को देहाय (घ) र (ङ) बमोजिमको कसुर गरेको देखिँदा निजहरुलाई जनही रु.६६,५०,०००।- (छैसठ्ठी लाख पचास हजार रुपैयाँ) बिगो कायम गरी सोही ऐनको दफा ८ को उपदफा (१) बमोजिम सजाय हुन एवं उक्त बिगो निजहरुबाट ऐ. ऐनको दफा ८ को उपदफा (१) बमोजिम असुल उपर हुन साथै  निजहरुले गलत प्रतिवेदन तयार गरी ऐ ऐनको दफा १९ को उपदफा (२) बमोजिमको कसूरसमेत गरेकोले निजहरुलाई ऐ.ऐनको दफा १९ को उपदफा (२) बमोजिम सजाय हुन। क्रमश...

 

(नोट: थप जानकारीको लागि डाउनलोडमा थिच्नुहोला)

 

 

प्रवक्ता

नरहरि घिमिरे