प्रेस विज्ञप्ति:- मिति २०८०।०७।२४ गते।

------------------------------------------

 

 

बारा जिल्ला, श्री राम प्राथमिक विद्यालय, भर्वलिया, बरैनिया-२ का तत्कालीन प्रधानाध्यापक तथा नेपाल राष्ट्रिय प्रथामिक विद्यालय, रौवाहीका पूर्व शिक्षक योगेन्द्र प्रसाद यादवले निजउपर दायर भएको भ्रष्टाचार मुद्दामा विशेष अदालत, काठमाडौंबाट मिति २०७३।१।१६ गते फैसला भै कसुरदार ठहरसमेत भएकोमा सोसम्बन्धी फाइल गायव बनाई राजीनामा गरी, गराई निबृत्तभरण समेत लिए, दिलाइएको भन्ने उजुरी निवेदन सम्बन्धमा अनुसन्धान हुँदा नेपाल राष्ट्रिय प्राथमिक विद्यालय, रौवाहीका तत्कालीन शिक्षक योगेन्द्र प्रसाद यादवले आफू विरुद्ध भ्रष्टाचार मुद्दा दायर भै स्वतः निलम्वनमा रहने अवधि देखि स्वेच्छिक अबकासका लागि राजीनामा पेश गर्दासम्मको अवधिमा समेत रु.१,०५,०३२।२५ निलम्वन रहेको अवधिमा पाउन सक्ने आधा रकम र सो मुद्दा फैसला भई स्वतः वर्खास्त भएको अवस्थामा औषधि उपचार, विरामी विदा र चाड पर्व खर्चसमेतको निबृत्तभरण रकमबापतको रु.१५,८७,२३७।- भुक्तानी लिई कुल रु.१६,९२,२६९।२५ (सोह्र लाख बयानव्बे हजार दुई सय उनानसत्तरी रुपैंया र पैसा पच्चीस) आफूलाई गैरकानुनी लाभ र सरकारी सम्पत्ति हानिनोक्सानी गरे, पुर्‍याएको साथै निजले प्रतिवादी चेथारु प्रसाद कुर्मीसमेतसँग मिलेमतो गरी हाजिरी किताव, बैठक पुस्तिका, तलवी भरपाई लगायत सरकारी कागजात लुकाउने नष्ट गर्ने समेतको कार्य गरेको देखिँदा निजउपर भ्रष्टाचार निवारण ऐन, २०५९ को दफा १२ तथा १७ बमोजिम कसुरमा सोही ऐनको दफा १२ बमोजिम कैद र जरिबाना तथा सोही ऐनको दफा १७ ले निर्देशित गरेअनुसार सोही ऐनको दफा ३(१)को (च) बमोजिम कैद र जरिवाना गरी हानिनोक्सानी भएको बिगो ऐ. ऐनको दफा १७ बमोजिम निजबाट असूल उपर हुनसमेत मागदाबी लिइएको छ। क्रमश...

 

(नोट: थप जानकारीको लागि डाउनलोडमा थिच्नुहोला)

 

प्रवक्ता

भोला दाहाल