जिल्ला रुपन्देही, सिद्वार्थनगर नगरपालिका वडा नं. ६ का वडा सचिव शिवनारायण गुप्ता बनियासहित ४ जना उपर राजस्व रकम छली गरी भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति :- मिति २०७७।०३।१४ गते ।
-------------------------------------------------
 
जिल्ला रुपन्देही सिद्वार्थनगर नगरपालिका वडा नं. ६ को जग्गा २० फुटे कच्ची बाटोसँग जोडिएको जग्गामा बाटो नभएको भनी गलत सिफारिसको आधारमा राजस्व छली भएको भन्ने उजुरी सम्बन्धमा अनुसन्धान हुँदा  तीनतर्फ २० फुटे कच्ची बाटोसँग जोडिएको कि.नं. २०० क्षेत्रफल ९९५.३० ब.मि. को जग्गा जग्गाधनी रुपेन्द्र यादव, वडा सचिव शिव नारायण गुप्ता बनिया र जग्गा खरिदकर्ता सागर थापा र राम क्षेत्रीसमेतको आपसी मिलेमतोमा बनाएको गलत सर्जमिन मुचुल्काको आधारमा बाटो भएको जग्गालाई बाटो नभएको भनी गलत सिफारिस गरी गराई नेपाल सरकारलाई प्राप्त हुने राजस्व रु. २,७१,४२६।– चुहावट गरी भ्रष्टाचारजन्य कार्य गरेको स-प्रमाण पुष्टि हुन आएकोले उक्त कार्यमा संलग्न देहायका व्यक्तिहरुलाई देहायबमोजिमको कसुरमा सजायको मागदाबी लिइएको छ ।
 
क. वडा सचिव शिवनारायण गुप्ता बनियाले बाटो भएको जग्गालाई बाटो नभएको भनी गलत सर्जमिन मुचुल्का तयार गरी सोही मुचुल्काकै आधारमा घरबाटो सिफारिस गरी गराई रु. २,७१,४२६।– (दुई लाख एकहत्तर हजार चार सय छब्बीस) राजस्व चुहावट गरी नेपाल सरकारलाई हानिनोक्सानी गरेको देखिंदा निजलाई बिगो रु. २,७१,४२६।–  कायम गरी भ्रष्टाचार निवारण ऐन, २०५९ को दफा ९ र दफा ८ को उपदफा (३) बमोजिम कसुरमा ऐ. को दफा ९ र दफा ८ को उपदफा (३) बमोजिम सजाय हुन मागदाबी लिइएको छ ।
 
ख. जग्गा बिक्रीकर्ता रुपेन्द्र यादवले जग्गा बिक्री गर्दा नियमानुसार लाग्ने पुँजीगत लाभकर रु. १,५४,१८८।– जग्गा बिक्री गर्दाको बखत दाखिला गर्नुपर्नेमा नगरी उजुरी परेपश्चात मात्र सजायबाट बच्ने उद्देश्यले पुँजीगत लाभकर रु. १,४३,५३५।- दाखिला गरेको र नियमानुसार लाग्ने पुँजीगत लाभकर रु. १०,६५३।– हालसम्म पनि दाखिला गरेको नदेखिंदा निजलाई बिगो रु. १,५४,१८८।– कायम गरी भ्रष्टाचार निवारण ऐन, २०५९ को दफा ८ को उपदफा (४) बमोजमको कसुरमा ऐ. को दफा ८ को उपदफा (४) बमोजिमको सजाय गरी दाखिला गर्न बाँकी पुँजीगत लाभकरबापतको रकम सोही दफा ८ को उपदफा (४) बमोजिम असुल उपर गरी जफत हुन मागदाबी लिइएको छ ।
 
ग. जग्गा खरिदकर्ताहरु सागर थापा र राम क्षेत्रीले जग्गा खरिद गर्दा रजिष्ट्रेशन दस्तुर छल्ने नियतले बाटो भएको जग्गालाई जानी बुझी वडा सचिव शिवनारायण गुप्ता बनियासमेतको मिलेमतोमा बाटो नभएको भन्ने झुठ्ठा व्यहोराको गलत सिफारिस गरी गराई नेपाल सरकारलाई प्राप्त हुने रजिष्ट्रेशन दस्तुरबापत रु. १,१७,२२८।– जग्गा खरिद गर्दाका बखत दाखिला गर्नुपर्नेमा नगरी उजरी परेपश्चात मात्र सजायबाट बच्ने उद्देश्यले दाखिला गरेको देखिंदा निजहरुलाई जनही बिगो रु. १,१७,२२८।– कायम गरी भ्रष्टाचार निवारण ऐन, २०५९ को दफा ८ को उपदफा (४) बमोजिमको कसुरमा ऐ. को दफा ८ को उपदफा (४) बमोजिमको सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
 
प्रवक्ता
प्रदीपकुमार कोइराला

Download
  

Other Press Release

नेपाल दूरसञ्चार प्राधिकरणका तत्कालीन अध्यक्ष दिगम्बर झा, पुरुषोत्तम प्रसाद खनाल, निर्देशक/बरिष्ठ निर्देशक आनन्द राज खनाल, उपनिर्देशक/निर्देशक मिन प्रसाद अर्याल, सहायक निर्देशक/उपनिर्देशक विनोद चन्द्र श्रेष्ठसमेत १९ जना र २ वटा कम्पनी उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/28
जिल्ला सिराहा, कर्जन्हा नगरपालिकाका तत्कालीन नगर प्रमुख गंगा पासमान र तत्कालीन निमित्त प्रमुख प्रशासकीय अधिकृत जगदीश मण्डलसमेत ५ जना र कम्पनी उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/27
बिराटनगर भन्सार कार्यालयका तत्कालीन प्रमुख भन्सार अधिकृत तारा प्रसाद सापकोटा र भन्सार अधिकृत नवकुल शर्मासमेत ४ जना र Dev International Pvt. Ltd. उपर राजस्व चुहावट, सरकारी कागजात नोक्सान एवं गलत प्रतिवेदन दिने कार्य गरी भ्रष्टाचार गरेको सम्बन्धी आरोप-पत्र दायर।
2024/03/26
भेटेरिनरी अस्पताल तथा पशुसेवा विज्ञ केन्द्र सर्लाहीका तत्कालीन नि. कार्यालय प्रमुख डा. सुनिल कुमार यादव, वडा अध्यक्षसमेत ६ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/25
सामाजिक विकास इकाई कार्यालय, राजविराज, ‍सप्तरीका सव-इन्जिनियर अजय रजक उपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2024/03/22
काठमाडौं उपत्यका विकास प्राधिकरणमा कार्यरत शाखा अधिकृत (रा.प. तृतीय श्रेणी/करार) याम कुमार कार्कीउपर रु.३,२१,३२,९५६।७५ बिगो कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोप-पत्र दायर।
2024/03/21
जिल्ला सर्लाही, हरिपुर नगरपालिकाका तत्कालीन उप-प्रमुख रेणुका देवी काफ्ले, निमित्त प्रमुख प्रशासकिय अधिकृत नइन्द्र कुमार पौडेल, वडाध्यक्षसमेत १० जना उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/18
ईशनाथ नगरपालिका, रौतहटका तत्कालीन प्रमुख प्रशासकीय अधिकृत किशोर गुप्ता, इन्जिनियर, प्रधानाध्यापकसमेत ३ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/18