Online
Complaint
visit nepal logo

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

नेपाल विद्युत प्राधिकरणको कार्यालय कुलेश्वरमा कार्यरत कृष्ण मुरारी चौधरी र KUNWAR CONSTRUCTION मार्फत बिजुलीको पोल तथा लाइनको काम गर्ने पुरुषोत्तम दाहाल उपर बिगो रु. २५,०००।– कायम गरी आरोपपत्र दायर।


प्रेस विज्ञप्ति :- मिति २०७६।१०।२३ गते ।
---------------------------------------------------

का.म.न.पा. काठमाडौं स्थित नेपाल विद्युत प्राधिकरणको कुलेश्वर विद्युत वितरण केन्द्रमा ज्यालादारीमा कार्यरत कृष्ण मुरारी चौधरीले बिजुलीको पोल राखिदिने बिषयमा सेवाग्राहीसँग घुस/रिसवत माग गरिरहेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोग टंगालबाट खटिई गएको टोलीले निजहरु कृष्ण मुरारी चौधरी र बिजुलीको पोल सार्ने सम्बन्धी काम गर्ने पुरुषोत्तम दाहाललाई सेवाग्राहीसँग रु.२५,०००।–(पचीस हजार) घुस/रिसवत बापतको रकम लिदैं गर्दाको अवस्थामा नियन्त्रणमा लिएको थियो । 
 
अनुसन्धानको सिलसिलामा नेपाल विद्युत प्राधिकरणको कार्यालय कुलेश्वरमा कार्यरत कृष्ण मुरारी चौधरीले जिल्ला काठमाडौं नागार्जुन नगरपालिका वडा नं. ६ रामकोट टौखेलमा रहेको सेवाग्राहीको जग्गामा रहेको बिजुलीको पोल सार्नको लागि सेवाग्राहीको निवेदन नियमानुसार कार्यालयबाट कार्यान्वयन गर्न नदिई KUNWAR CONSTRUCTION मार्फत बिजुलीको पोल तथा लाइनको काम गर्ने पुरुषोत्तम दाहालसँग सम्पर्क गराई नियमविपरीत बिजुलीको पोल सार्न लगाई आफ्नो जिम्मेवारी र पदीय दायित्वसमेतको ख्याल नगरी बदनियतपूर्वक रकमको बार्गेनिङ गरी घुस/रिसवत दिन बाध्य पारी सोबापत आफ्नो लागिसमेत पुरुषोत्तम दहालामार्फत रु. २५,०००।– लिन मञ्जुर गरी उक्त रकम लिन पुरुषोत्तम दाहाललाई पठाई निज कृष्ण मुरारी चौधरीले भ्रष्टाचार निवारण ऐन, २०५९ को दफा ३ को उपदफा (१) को कसुर अपराध गरेको ।

 साथै पुरुषोत्तम दाहालले विद्युत प्राधिकरणको आधिकारीक निर्णयविपरीत कृष्ण मुरारी चौधरीले भनेअनुसार आफ्नो र कृष्ण मुरारी चौधरीसमेतको लागि घुस/रिसवतबापतको रकम लिन सर्मथन/मञ्जुर गरी गैरकानूनी रुपमा बिजुलीको पोल सार्ने काम सम्पन्न गरी सो कार्य गरिदिएबापत सेवाग्राहीबाट रु. २५,०००।– घुस/रिसवत लिइसकेको अवस्थामा निजबाट बरामद भएको व्यहोरा खुल्न आई निजले भ्रष्टाचार निवारण ऐन, २०५९ को दफा ३ को उपदफा (२) को कसुर अपराध गरेको देखिंदा बिगो रु. २५,०००।– कायम गरी कृष्ण मुरारी चौधरी र पुरुषोत्तम दाहाल दुवै जनालाई भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (क) बमोजिम सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको छ ।

प्रवक्ता
प्रदीपकुमार कोइराला

Download Now
  

Other Press Release

जिल्ला रुपन्देही, सम्मरीमाई गाउँपालिका वडा नं. ५ का वडाध्यक्ष श्रवण कुमार यादवउपर बिगो रु. ७०,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/03/22
भानु नगरपालिका, नगर कार्यपालिकाको कार्यालयमा कार्यालय सहयोगी पदमा कार्यरत हेलन गुरुङउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/03/20
श्री साझापुर उच्च माध्यमिक विद्यालय, मेघौली-४, चितवनमा राहत दरबन्दीका तत्कालीन शिक्षक नारायण शर्मा उपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/03/20
नेपाल विद्युत प्राधिकरण जलेश्वर महोत्तरीका तत्कालीन सुपरभाइजर महंथ मण्डल उपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
सुर्योदय उच्च माध्यमिक विद्यालय, हुम्लामा कार्यरत शिक्षक जितेन्द्र कुमार झाउपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
नेपाल विद्युत् प्राधिकरण, ग्रिड महाशाखा, चौकिटोल, हेटौंडामा कार्यरत हेल्पर लोकनाथ खनाल उपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20
श्री माध्यमिक विद्यालय, लगडी गदियानी, सिरहाका प्रा.वि. द्वितीय श्रेणीमा कार्यरत स्थायी शिक्षक राम नारायण यादवउपर शैक्षिक योग्यताको नक्कली (झुठ्ठा) प्रमाण-पत्र सम्बन्धी आरोप-पत्र दायर।
2020/03/20