परशुराम नगरपालिका जोगबुढा, डडेल्धुरामा असिस्टेन्ट सव-इन्जिनियरको पदमा कार्यरत नरबहादुर बोहरासमेत ५ जनाउपर बिगो रु. १,७३,१९०।६१ कायम गरी आरोपपत्र दायर।


प्रेस विज्ञप्ति :- मिति २०७६।०९।०९ गते ।
---------------------------------------------------

डडेल्धुरा जिल्ला अन्तर्गत बेलडाडी कृषि सडकको निर्माण कार्यमा बढी रकम भुक्तानी लिएको भन्ने उजुरी सम्बन्धमा  अनुसन्धान हुँदा परशुराम नगरपालिका जोगबुढा, डडेल्धुरामा असिस्टेन्ट सव-इन्जिनियरको पदमा कार्यरत नरबहादुर बोहराले नेपाल सरकारलाई हानि पुर्‍याउने बदनियतले इस्टिमेट, मूल्याङ्कन सिट र कार्यसम्पन्न प्रतिवेदनसमेतका गलत प्रतिवेदन तयार गरी आफू वा अरु कुनै व्यक्तिलाई गैरकानूनी लाभ पुर्‍याउने र नेपाल सरकारलाई हानिनोक्सानी पुर्‍याउने बदनियतले आधार बिना अस्वाभाविक किसिमबाट बढी रकम तथा लगत देखाउने, मनासिव कारण बिना सर्त तथा मापदण्डविपरीत निर्माण कार्य गर्ने गराउने गरेको र सोबाट बढी रकम भुक्तानी गरी भ्रष्टाचार निवारण ऐन, २०५९ को दफा ८ को उपदफा (१) र दफा ८ को उपदफा (१) को खण्ड (ग) र (ङ) र सोही ऐनको दफा १९ को उपदफा (२) बमोजिमको कसुर गरेको प्रमाणित हुन आएकोले बिगो रु. १,७३,१९०।६१ कायम गरी भ्रष्टाचार निवारण ऐन, २०५९ को दफा ८ को उपदफा (१) बमोजिम सजाय गरी सोही ऐनको दफा १९ को उपदफा (२) बमोजिम बिगो रकम असुलउपर हुन समेत मागदाबी लिइएको छ ।

परशुराम नगरपालिकाको कार्यालयमा इन्जिनियरको पदमा कार्यरत नरेन्द्रबहादुर भाटले असिस्टेन्ट सव-इन्जिनियरको पदमा कार्यरत नरबहादुर बोहराले तयार पारेको इस्टिमेट, मूल्याङ्कन सिट र बदनियतसाथ कार्यसम्पन्न प्रतिवेदनसमेतका गलत प्रतिवेदनलाई ठीक छ भनी चेकजाँच गरी स्वीकृतिको लागि पेश गरी, वडा कार्यालयको रकम भुक्तानीको लागि सिफारिस पत्रमा योजना सम्पन्न भई अनुगमनसमेत भइसकेको भनी अन्तिम भुक्तानीको लागि सिफारिस गरी सोबाट बढी रकम भुक्तानी गरी भ्रष्टाचार निवारण ऐन, २०५९ को दफा ८ को उपदफा (१) र दफा ८ को उपदफा (१) को खण्ड (ग) र (ङ) तथा सोही ऐनको दफा १९ को उपदफा (२) बमोजिम कसुर गरेको प्रमाणित हुन आएकोले निजलाई बिगो रु. १,७३,१९०।६१  कायम गरी भष्टाचार निवारण ऐन, २०५९ को दफा ८ को उपदफा (१) बमोजिम सजाय गरी बिगो रकम भ्रष्टाचार निवारण ऐन, २०५९ को दफा १९ को उपदफा (२) बमोजिम असुलउपर हुन समेत मागदाबी लिइएको छ ।  

साथै बेलडाडी कृषि सडक बीच टोल निर्माण उपभोक्ता समितिका अध्यक्ष मिनबहादुर बोहरा, कोषाध्यक्ष मथुरी देवी बोहरा र सचिव तेजबहादुर बोहराले परशुराम नगरपालिका जोगबुढा डडेल्धुराका असिस्टेन्ट सव-इन्जिनियर नरबहादुर बोहरा र इन्जिनियर नरेन्द्र बहादुर भाटसमेतको मिलेमतोमा बदनियतपूर्वक सत्यतथ्यलाई लुकाई नभएको नगरेको कामलाई गरेको भनी झुठ्ठा नापी किताब एवं कार्यसम्पन्न प्रतिवेदन बनाई उक्त काममा सार्वजनिक खरिद ऐन/नियमावली विपरीत डोजर प्रयोग गरी, झुठ्ठा डोरहाजिरी फाराम पेश गरी नेपाल सरकारसमक्ष गरेको कबुलियत तथा सम्झौता बमोजिमको सर्त पालना नगरी नेपाल सरकारलाई गैरकानूनी हानिनोक्सानी पुर्‍याई आफूहरुलाई व्यक्तिगतरुपमा गैरकानूनी लाभ पुर्‍याउनका लागि निर्माणस्थलमा भए गरेको कार्य भन्दा बढी तथा साइटमा नगरे नगराएको कामको परिमाणको नापी गराई झुठ्ठा बिल भरपाई तयार गरी/गराई पेश गरी बढी रकम भुक्तानी लिई भ्रष्टाचार निवारण ऐन, २०५९ को दफा ८ को उपदफा (४) बमोजिम कसुर गरेकोले निजहरुलाई बिगो रु. १,७३,१९०।६१  कायम गरी भ्रष्टाचार निवारण ऐन, २०५९ को दफा ८ को उपदफा (४) मा उल्लेख भए बमोजिम सजाय र बिगोसमेत असुलउपर हुन मागदाबी लिई आज विशेष अदालत, काठमाडौंमा आरोपपत्र दायर गरिएको छ ।

प्रवक्ता
प्रदीपकुमार कोइराला

Download
  

Other Press Release

जिल्ला सिराहा, कर्जन्हा नगरपालिकाका तत्कालीन नगर प्रमुख गंगा पासमान र तत्कालीन निमित्त प्रमुख प्रशासकीय अधिकृत जगदीश मण्डलसमेत ५ जना र कम्पनी उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/27
बिराटनगर भन्सार कार्यालयका तत्कालीन प्रमुख भन्सार अधिकृत तारा प्रसाद सापकोटा र भन्सार अधिकृत नवकुल शर्मासमेत ४ जना र Dev International Pvt. Ltd. उपर राजस्व चुहावट, सरकारी कागजात नोक्सान एवं गलत प्रतिवेदन दिने कार्य गरी भ्रष्टाचार गरेको सम्बन्धी आरोप-पत्र दायर।
2024/03/26
भेटेरिनरी अस्पताल तथा पशुसेवा विज्ञ केन्द्र सर्लाहीका तत्कालीन नि. कार्यालय प्रमुख डा. सुनिल कुमार यादव, वडा अध्यक्षसमेत ६ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/25
सामाजिक विकास इकाई कार्यालय, राजविराज, ‍सप्तरीका सव-इन्जिनियर अजय रजक उपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2024/03/22
काठमाडौं उपत्यका विकास प्राधिकरणमा कार्यरत शाखा अधिकृत (रा.प. तृतीय श्रेणी/करार) याम कुमार कार्कीउपर रु.३,२१,३२,९५६।७५ बिगो कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोप-पत्र दायर।
2024/03/21
जिल्ला सर्लाही, हरिपुर नगरपालिकाका तत्कालीन उप-प्रमुख रेणुका देवी काफ्ले, निमित्त प्रमुख प्रशासकिय अधिकृत नइन्द्र कुमार पौडेल, वडाध्यक्षसमेत १० जना उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/18
ईशनाथ नगरपालिका, रौतहटका तत्कालीन प्रमुख प्रशासकीय अधिकृत किशोर गुप्ता, इन्जिनियर, प्रधानाध्यापकसमेत ३ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/18
नेपाल टेलिकमका प्राविधिक अधिकृत (निर्माण तथा मर्मत) निर्मल प्रसाद सिटौला उपर रु.१,६१,२०,००४।३० बिगो कायम गरी गैरकानूनी व्यापार व्यवसाय गरी भ्रष्टाचार गरेको सम्बन्धी आरोप-पत्र दायर।
2024/03/17