श्री माध्यमिक विद्यालय, शुद्धोधन गाउँपालिका, कपिलवस्तुमा कार्यरत प्रा.वि. शिक्षक सुशीलादेवी गौतम उपर आरोप-पत्र दायर गरिएको


प्रेस विज्ञप्ति:-मिति २०७६।०४।२३ गते  ।
---------------------------------------------
श्री माध्यमिक विद्यालय, शुद्धोधन गाउँपालिका, कपिलवस्तुमा कार्यरत प्रा.वि. शिक्षक सुशीलादेवी गौतम उपर आरोप-पत्र दायर गरिएको ।
------------------------ 
श्री माध्यमिक विद्यालय, शुद्धोधन गाउँपालिका वडा नं.-२, ठूलोनन्दनगर, कपिलवस्तुमा कार्यरत प्रा.वि. शिक्षक सुशीलादेवी गौतम विरूद्ध विशेष आदालत काठमाडौंमा आरोप-पत्र दायर गरिएको छ ।
 
निज सुशीलादेवी गौतमले नक्कली शैक्षिक योग्यताको प्रमाणपत्र पेश गरी जागिर खाएकोले छानविन गरी पाउँ भन्ने समेत व्यहोराको उजुरीउपर अनुसन्धान हुँदा निज सुशीलादेवी गौतमले माध्यमिक शिक्षा परिषद्, उत्तर प्रदेश अन्तर्गतको किशन इन्टर कलेज उष्का बजार, सिद्धार्थनगर भारतबाट प्राप्त हाइस्कूल तहको झुट्टा शैक्षिक योग्यताको प्रमाणपत्र पेश गरी सेवामा बहाल रही लाभ समेत लिएकोले निजको उक्त कार्य साविक भ्रष्टाचार निवारण ऐन, २०१७ को दफा १२ र प्रचलित भ्रष्टाचार निवारण ऐन, २०५९ को दफा १६(१) बमोजिमको कसुर गरेको सप्रमाण पुष्टि हुनआएकोले निज सुशिलादेवी गौतम उपर साविक भ्रष्टाचार निवारण ऐन, २०१७ को दफा १२ तथा दफा २९ को उपदफा (२) र प्रचलित भ्रष्टाचार निवारण ऐन, २०५९को दफा १६(१) बमोजिमको सजाय हुन मागदाबी लिई आज विशेष अदालत काठमाडौंमा आरोप-पत्र दायर गरिएको छ ।
प्रदीपकुमार कोइराला
प्रवक्ता

Download
  

Other Press Release

जिल्ला धनुषा, सबैला नगरपालिकाका तत्कालीन इन्जिनियर रंजित कुमार यादव, वडा अध्यक्षसमेत ७ जना उपर सार्वजनिक सम्पत्ति हिनामिना, हानिनोक्सानी गरी भ्रष्टाचार गरेको सम्बन्धी आरोपपत्र दायर।
2025/07/14
राष्ट्रिय सूचना प्रविधि केन्द्रका तत्कालीन कार्यकारी निर्देशक सुनिल पौडेल, तत्कालीन निर्देशक सफल श्रेष्ठसमेत ६ जना र कम्पनी उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोपपत्र दायर।
2025/07/11
जिल्ला शिक्षा कार्यालय, खोटाङका तत्कालीन जिल्ला शिक्षा अधिकारी बालकृष्ण चापागाईं, गणेश प्रसाद भट्टराईसमेत ९ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोपपत्र दायर।
2025/07/10
गण्डकी प्रदेश अन्तर्गत भौतिक पूर्वधार विकास तथा यातायात व्यवस्था मन्त्रालय, पोखरा, कास्कीका लेखा अधिकृत (अधिकृत आठौँ तह) झलक शर्मा पौडेल उपर बिगो रू.६,२६,९३,१२९।८२ कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोपपत्र दायर।
2025/07/09