कान्ति बाल अस्पतालका नर्स एड पवित्रा अधिकारीउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०३।२३ गते ।
-------------------------------------------------
कान्ति बाल अस्पतालका नर्स एड पवित्रा अधिकारीसमेतको शैक्षिक योग्यताको प्रमाणपत्र नक्कली रहेको भन्ने उजुरी सम्बन्धमा अनुसन्धान हुँदा निजले पशुपति चावहिलबाट एस.एल.सी. पास गरेको शैक्षिक योग्यताको नक्कली (झुठ्ठा) प्रमाण-पत्र पेश गरी मिति २०६४।०६।०१ देखि हालसम्म कान्ति बाल अस्पतालको नर्स एड पदमा वहाल रही सार्वजनिक पद धारण गरी लाभ लिएको देखिएकोले निजको उक्त कार्य प्रचलित भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर देखिएको हुँदा निज पवित्रा अधिकारीलाई भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Tweet