कृषि सामाग्री कम्पनी लिमिटेड शाखा कार्यालय जनकपुरमा कार्यरत स्टोरकिपर वरिष्ठ सहायक रामबाबु महतोसहित २ जनाउपर आरोपपत्र दायर ।


प्रेस विज्ञप्ति :- मिति २०७६।०९।१६ गते ।
-----------------------------------------

कृषि सामग्री कम्पनी लिमिटेड, शाखा कार्यालय जनकपुरमा बिक्री नभई बाँकी रहेको विभिन्न जातका धानहरु लिलाम बिक्री प्रक्रियामा अनियमितता गरेको भन्ने उजुरीको आधारमा भएको छानबिनमा कृषि सामाग्री कम्पनी लिमिटेड शाखा कार्यालय जनकपुरमा स्टोरकिपरको रुपमा कार्यरत वरिष्ठ सहायक रामबाबु महतोले नियमानुसार लिलाम बिक्रीको प्रक्रियामा रहेको धानको बीउ लिलाम प्रक्रिया सम्पन्न हुनु अगाबै लिलाम बिक्रीको लागि राखिएको धनको बिउ लिलाम प्रक्रियामा सहभागी भएका व्यक्तिलाई दिनुपर्नेमा निजलाई टेण्डर स्वीकृत भएको जानकारीसमेत नगराई लिलाम प्रक्रियामा सहभागी नभएका व्यक्ति सिया किशोर साहलाई धान दिई उक्त धानवापतको रकम कार्यालयको खातामा दाखिला नगरी निज रामबाबु महतोले मिलेमतोमा रु. ६८,०००।– घुस/रिसवत लिई गैरकानूनी तवरले कार्यालयको स्टोरमा रहेको धान दिई रु. ८,३६,६८०।– (आठ लाख छत्तीस हजार छ सय असी रुपैयाँ) सरकारी सम्पत्ति हिनामिना गरेको पुष्टि हुन आई निजले भ्रष्टाचार निवारण ऐन, २०५९ को दफा ३ को उपदफा (१) र दफा १७ द्वारा परिभाषित कसुरसमेत गरेको देखिन आएकोले निजले घुस/रिसवतवापत सिया किशोर साहबाट लिएको बरामद भएको रु. ६८,०००।– र सार्वजनिक संस्थालाई हानिनोक्सानी पुर्‍याएको रमकसमेत गरी रु. ९,०४,६८०।–बिगो कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा १७ मा उल्लेख भएबमोजिम सोही ऐनको दफा ३ को उपदफा (१) र दफा ३ को उपदफा (१) को खण्ड (ङ) बमोजिम सजाय गरी घुस/रिसवत लिएको रकम सोही दफा ३ को उपदफा (१) बमोजिम जफत हुन र हानिनोक्सानी पुगेको  रकम रु. ८,३६,६८०।- समेत ऐ.ऐनको दफा १७ बमोजिम असुलउपर गरी पाउन मागदाबी लिइएको छ ।

श्री राम राइस मिलका संचालक सिया किशोर साहले राष्ट्रसेवक कर्मचारी राम बाबु महतोलाई घुस/रिसवत दिई निजसँग मिलेमतो गरी सरकारी कार्यालयको स्टोरमा रहेको धानको बीउ अनधिकृत तवरले आफूले लिई रु. ८,३६,६८०।– बराबरको सार्वजनिक सम्पत्ति आफूलाई फाइदा र सार्वजनिक संस्थालाई हानिनोक्सानी पुर्‍याएको पुष्टि हुन आई निजले भ्रष्टाचार निवारण ऐन, २०५९ को दफा ३ को उपदफा (३) र दफा ८ को उपदफा (४) बमोजिमको कसुर गरेको हुँदा निजलाई भष्टाचार निवारण ऐन, २०५९ को दफा ३ को उपदफा (३) ले निर्देश गरेबमोजिम ऐ.ऐनको दफा ३ को उपदफा (१) र दफा ३ को उपदफा (१) को खण्ड (ग) बमोजिम सजाय गरी घुस रकम रु. ६८,०००।- सोही दफा ३ को उपदफा (१) बमोजिम जफत हुनका साथै सार्वजनिक सम्पत्ति हिनामिना गरेको रकम रु. ८,३६,६८०।– को हकमा सो बिगो कायम गरी भ्रष्टाचार निवारण ऐन, २०५९ को दफा ८ को उपदफा (४) बमोजिम सजाय गरी हानिनोक्सानी हिनामिना भएको रकम ऐ.ऐनको दफा ८ को उपदफा (४) बमोजिम असुलउपर गरी जफत हुन र सो बिगो कृषि सामाग्री कम्पनी लिमिटेडलाई दिलाई भराई पाउनसमेत  मागदाबी लिई आज विशेष अदालत, काठमाडौंमा आरोपपत्र दायर गरिएको छ ।

प्रवक्ता
प्रदीपकुमार कोइराला

Download
  

Other Press Release

जिल्ला सिराहा, कर्जन्हा नगरपालिकाका तत्कालीन नगर प्रमुख गंगा पासमान र तत्कालीन निमित्त प्रमुख प्रशासकीय अधिकृत जगदीश मण्डलसमेत ५ जना र कम्पनी उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/27
बिराटनगर भन्सार कार्यालयका तत्कालीन प्रमुख भन्सार अधिकृत तारा प्रसाद सापकोटा र भन्सार अधिकृत नवकुल शर्मासमेत ४ जना र Dev International Pvt. Ltd. उपर राजस्व चुहावट, सरकारी कागजात नोक्सान एवं गलत प्रतिवेदन दिने कार्य गरी भ्रष्टाचार गरेको सम्बन्धी आरोप-पत्र दायर।
2024/03/26
भेटेरिनरी अस्पताल तथा पशुसेवा विज्ञ केन्द्र सर्लाहीका तत्कालीन नि. कार्यालय प्रमुख डा. सुनिल कुमार यादव, वडा अध्यक्षसमेत ६ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/25
सामाजिक विकास इकाई कार्यालय, राजविराज, ‍सप्तरीका सव-इन्जिनियर अजय रजक उपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2024/03/22
काठमाडौं उपत्यका विकास प्राधिकरणमा कार्यरत शाखा अधिकृत (रा.प. तृतीय श्रेणी/करार) याम कुमार कार्कीउपर रु.३,२१,३२,९५६।७५ बिगो कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोप-पत्र दायर।
2024/03/21
जिल्ला सर्लाही, हरिपुर नगरपालिकाका तत्कालीन उप-प्रमुख रेणुका देवी काफ्ले, निमित्त प्रमुख प्रशासकिय अधिकृत नइन्द्र कुमार पौडेल, वडाध्यक्षसमेत १० जना उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/03/18
ईशनाथ नगरपालिका, रौतहटका तत्कालीन प्रमुख प्रशासकीय अधिकृत किशोर गुप्ता, इन्जिनियर, प्रधानाध्यापकसमेत ३ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/03/18
नेपाल टेलिकमका प्राविधिक अधिकृत (निर्माण तथा मर्मत) निर्मल प्रसाद सिटौला उपर रु.१,६१,२०,००४।३० बिगो कायम गरी गैरकानूनी व्यापार व्यवसाय गरी भ्रष्टाचार गरेको सम्बन्धी आरोप-पत्र दायर।
2024/03/17