Online
Complaint
visit nepal logo

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

अस्थायी प्रहरी पोष्ट, कठुधार महोत्तरीका प्रहरी सहायक निरीक्षक बृजेशप्रसाद चौधरी उपर आरोप पत्र दायर।


प्रेस विज्ञप्ति :- मिति २०७६।०८।०२ गते ।
---------------------------------------

अस्थायी प्रहरी पोष्ट, कठुधार महोत्तरीमा कार्यरत प्रहरी सहायक निरीक्षक बृजेशप्रसाद चौधरीले नेपाल भारत सीमा बजारबाट घरमा प्रयोग गरिने सामान खरिद गरी ल्याउन सहज गराइदिन्छु भनी सेवाग्राहीसँग घुस/रिसवत माग गरिरहेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको कार्यालय, बर्दिवासबाट खटिई गएको टोलीले निज प्रहरी सहायक निरीक्षक बृजेशप्रसाद चौधरीलाई सेवाग्राहीसँग रु.१३,०००।–(तेह्र हजार) घुस वापतको रकम लिइसकेको अवस्थामा उक्त घुस रकम सहित नियन्त्रणमा लिएको थियो ।

अस्थाई प्रहरी पोष्ट कठुधार महोत्तरीमा कार्यरत प्रहरी सहायक निरीक्षक बृजेश प्रसाद चौधरीले नेपाल-भारत सीमा बजारबाट घरमा प्रयोग गर्ने नुन, तेल, चिनी लगायतका सामानहरु खरिद गरी ल्याउने क्रममा उक्त सामानहरु ल्याउन सहज गराइदिन्छु भनी घुस/रिसवत बापत रु.३५,०००।–रकम माग गरी सोही दिन लिएको रु.१९,१००।–(उन्‍नाइस हजार एक सय) र मिति २०७६/०६/३० गते घुस रिसवतबापत अघिल्लो दिनको बाँकी रु. १३,०००।–(तेह्र हजार) गरी कुल विगो रु.३२,१००।- (बत्तीस हजार एक सय) घुस/रिसवत बापत लिई निजले भ्रष्टाचार निवारण ऐन, २०५९ को दफा ३ को उपदफा (१) द्वारा परिभाषित कसुर गरेको पुष्टि हुन आएकोले निज प्रहरी सहायक निरीक्षक बृजेश प्रसाद चौधरी उपर विगो रु.३२,१००।- (बत्तीस हजार एक सय) कायम गरी निजलाई भ्रष्टाचार निवारण ऐन, २०५९ को दफा ३ को उपदफा (१) र सोही ऐनको दफा ३ को उपदफा (१)को खण्ड (ख) वमोजिम कैद र जरिवाना हुन र सेवाग्राहीसँग घुस रिसवत वापत लिएको रकम रु.१९,१००।-(उन्‍नाइस हजार एक सय) निज आरोपितवाट असुल उपर गरी जफत हुन मागदावी लिईएको ।

साथै उजुरीकर्ता/निवेदक संजित कुमार यादवले मिति २०७६/०६/२९ गते आरोपितलाई घुस रिसवतबापत रु.३५,०००।–(पैतीस हजार) दिने सहमति समेत गरी तत्कालै रु.१९,१००।–(उन्‍नाइस हजार एक सय) घुस/रिसवत बापत दिएको देखिन आई निजलाई भ्रष्टाचार निवारण ऐन, २०५९ को दफा ३ को उपदफा (२) बमोजिमको कसुरमा सोही ऐनको दफा ३ को उपदफा (१) को खण्ड (क) बमोजिम सजाय हुनुपर्ने देखिन आए तापनि निजले सो समयमा निजले घुस/रिसवत बापत मागे वमोजिम रु.३५,०००।–(पैतीस हजार) रकम सबै नबुझाई आरोपितलाई कानुन वमोजिम कारवाही गराउने मनसायले बाँकी रहेको रु.१५,०००।- मध्ये रु.१३,०००।–(तेह्र हजार) रकम घुस रिसवतबापत दिने समयमा आयोगको कार्यालय वर्दिवासमा सूचना दिई अनुसन्धानको क्रममा समेत सम्पूर्ण व्यहोरा खोली सहयोग गरेको देखिन आएको हुँदा निजलाई भ्रष्टाचार निवारण ऐन, २०५९ को दफा ५५ बमोजिम सजायमा पूर्ण छुटको मागदावी लिई आज विशेष अदालत काठमाण्डौमा मुद्दा दायर गरिएको छ ।

प्रवक्ता
प्रदीपकुमार कोइराला

Download Now
  

Other Press Release

श्री सरस्वती माध्यमिक विद्यालय, छोटी पर्सिया, कन्चनपुरका शिक्षक इन्द्रसिंह थापा उपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/02/27
भीमदत्त नगरपालिका-३ स्थित साकेत धाम विष्णु मन्दिर (विष्णु धाम) खुडकिला निर्माण उपभोक्ता समितिका अध्यक्ष कर्ण बहादुर विष्टउपर बिगो रु. ४,५०,०००।– कायम गरी आर्थिक अनियमितता गरेको सम्बन्धमा आरोपपत्र दायर।
2020/02/27
साँस्कृतिक संस्थान जमल, काठमाडौंका नृत्य कलाकार, तह-५ का नरेन्द्र कुमार आले मगरउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/02/27
नेपाल प्रहरीका तत्कालीन प्रहरी नायब निरीक्षक बिष्णुप्रसाद दलाली उपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
2020/02/27
सुर्खेत जिल्ला चौकुने गाउँपालिका वडा नं. १ स्थित कोटदरवार सामुदायिक वन उपभोक्ता समूहका पूर्व अध्यक्ष बलबहादुर कठायत उपर बिगो रु. ७९,०००।– कायम गरी आर्थिक अनियमितता गरेको सम्बन्धमा आरोपपत्र दायर।
2020/02/26
छोटी भन्सार कार्यालय, धनुषामा कार्यरत नायब सुब्बा अहमद रजा अन्सारी उपर बिगो रु. १,५०,०००।– कायम गरी घुस/रिसवत लिई भ्रष्टाचार गरेको सम्बन्धमा आरोपपत्र दायर।
2020/02/26
डुङ्गेश्वर गाउँपालिका वडा नं. ५, दैलेखस्थित श्री पिपल चौतारा माध्यमिक विद्यालयका विद्यालय व्यवस्थापन समिति अध्यक्ष तथा डुङ्गेश्वर गाउँपालिका वडा नं. ५ का वडा सदस्य भक्त बहादुर शाहीसमेत ४ जनाउपर प्रश्नपत्रको गोपनियता भंग गरेको सम्बन्धमा आरोपपत्र दायर।
2020/02/26