क्षेत्रीय प्रहरी तालिम केन्द्र, नेपालगञ्जका प्रहरी नायव निरीक्षक देवराज बि.सी. उपर आरोप-पत्र दायर गरिएको ।
प्रेस विज्ञप्ति:- मिति २०७६।०६।०७ गते
-------------------------------------------
क्षेत्रीय प्रहरी तालिम केन्द्र, नेपालगञ्जका प्रहरी नायव निरीक्षक देवराज बि.सी.ले नेपाल प्रहरीमा नक्कली सर्टिफिकेट पेश गरी बढुवामा काम गर्ने भएकोले निजको सर्टिफिकेट छानविन गरी कारवाही गरीपाउँ भन्ने उजुरी सम्बन्धमा अनुसन्धान हुँदा निज पूर्व प्रहरी नायव निरीक्षक देवराज बि.सी.ले नेपाल प्रहरीमा बढुवा प्रयोजनको लागि पेश गरेको आई.ए. तहको शैक्षिक योग्यताको प्रमाण-पत्र माध्यमिक शिक्षा परिषद्, वाराणसी, भारतबाट प्राप्त झुठ्ठा शैक्षिक योग्यताको प्रमाणपत्र पेश गरी निज पूर्व प्रहरी नायव निरीक्षक देवराज बि.सी.ले भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर गरेको पुष्टि हुन आएको हुँदा निजलाई सोही ऐनको दफा १६ को उपदफा (१) बमोजिमको सजाय हुन मागदावी लिई आज विशेष अदालत काठमाडौंमा आरोप-पत्र दायर गरिएको छ ।
प्रवक्ता
प्रदिपकुमार कोइराला
Tweet