Online
Complaint

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

अध्यागमन विभागमा कार्यरत तत्कालीन अध्यागमन अधिकृत सुरेश सुवेदीउपर आरोप-पत्र दायर गरिएको ।


प्रेस विज्ञप्ति :- मिति २०७६।०५।२३ गते
----------------------------------------- 
साउदी अरेवियन नागरिक Alzahrani Mohammed Hussain A लाई साउदी अरेवियन दूतावास र नेपालको अद्यागमन विभागका केही कर्मचारीहरूले मिलेमतोमा रेकर्डसमेत नराखी गैर-पर्यटकीय भिसाबापतको रकम सरकारको राजस्व खातामा दाखिला नगरी गैर-पर्यकटीय भिसा दिई प्रस्थान अनुमतिसमेत दिइसके पछि लेनदेनमा कुरा नमिली पुन: पक्राउ गरेको भन्ने व्यहोराको उजुरी सम्बन्धमा अनुसन्धान हुँदा गैर-पर्यटकीय भिसा शाखामा कार्यरत तत्कालीन अध्यागमन अधिकृत सुरेश सुवेदीले निजको जिम्मामा रहेका नं. ००१९५५ को सक्कलै गैर-पर्यटकीय भिसा दुरुपयोग गरी प्रचलित भ्रष्टाचार निवारण ऐन, २०५९ को दफा ७ को खण्ड (क) को कसुर गरेको संलग्न कागज प्रमाणबाट पुष्टि हुन आएको हुँदा प्रचलित अध्यागमन ऐन, २०४९ र अध्यागमन नियमावली बमोजिमको प्रक्रिया पूरा नगरी निज साउदी अरेबियन नागरिक Alzaharani Mohammed Hussain A को नं. P७५८५६७ को राहदानीमा टाँस गरी जारी गरेको भिसा स्टिकरबापत नेपाल सरकारलाई हानीनोक्सानी भएको भिसाबापतको ७२८ (सातसय अठ्ठाईस) अमेरिकन डलर, बिलम्ब शुल्कबापत १०९२ (एक हजार बयानब्बे) अमेरिकी डलरसहित जम्मा १८२० अमेरिकी डलरको तत्कालीन मितिमा कायम रहेको विदेशी मुद्रा बिनिमय दर १(एक) अमेरिकी डलरको ने.रू. १०६।०५ ले हुन आउने नेपाली रुपैयाँ रू.१,९३,०११।-(अक्षरेपी एक लाख त्रियानब्बे हजार एघार रुपैयाँ) र अध्यागमन ऐन, २०४९ को दफा १०(४) को कसुरबमोजिम हुने जरिवाना रू.५०,०००।-(अक्षरेपी पचास हजार रुपैयाँ) समेत कुल रकम रू.२,४३,०११।- (अक्षरेपी दुई लाख त्रिचालीस हजार एघार रुपैयाँ) बिगो कायम गरी निज सुरेश सुवेदीलाई भ्रष्टाचार निवारण ऐन, २०५९ को दफा ७ ले निर्देश गरेबमोजिम ऐ. ऐनको दफा ३ को उपदफा (१) को देहाय (घ) बमोजिम कैद सजायँ गर्न ऐ. ऐनको दफा ७ बमोजिम उक्त विगो रू.२,४३,०११।- को दोब्बर रू. ४,८६,०२२।–(अक्षरेपी चार लाख छयासी हजार बाईस रुपैयाँ) जरिवानाको मागदावी लिई आज विशेष अदालत काठमाडौंमा आरोप-पत्र दायर गरिएको छ । 

प्रदीपकुमार कोइराला
प्रवक्ता

Download Now
  

Other Press Release

सशस्त्र प्रहरी वल वि.ओ.पी. बखरी मोरङका तत्कालीन कार्यालय प्रमुख सशस्त्र प्रहरी निरीक्षक अमृत थापा र सशस्त्र प्रहरी जवान शशित नारायण विश्वासउपर आरोपपत्र दायर।
2020/01/23
जिल्ला पर्सा, बीरगन्ज महानगरपालिका वडा नं. २ छपकैयाकी अम्बेया खातुनउपर बिगो रु. २८,०००।– कायम गरी आरोपपत्र दायर।
2020/01/22
मालपोत कार्यालय साँखु, काठमाडौंका नायब सुब्बा रामेश्वर कुईकेल र लेखापढी व्यवसायी श्रीराम सापकोटाउपर बिगो रु. ५५,०००।– कायम गरी आरोपपत्र दायर।
2020/01/22
इलाका प्रहरी कार्यालय, उर्लावारी मोरङमा कार्यरत प्रहरी हवल्दार राजु श्रेष्ठउपर आरोपपत्र दायर।
2020/01/21
बागचौर नगर कार्यपालिकाको कार्यालय, सल्यानका तत्कालीन सब-इन्जिनियर थमन योगीसहित ६ जनाउपर आरोपपत्र दायर।
2020/01/19
जिल्ला रुपन्देही स्थित, विष्णुपुरा सशस्त्र प्रहरी बेसक्याम्पमा कार्यरत सशस्त्र प्रहरी सहायक हवल्दार बिरेन्द्रप्रसाद चौधरीउपर आरोपपत्र दायर।
2020/01/19