Online
Complaint

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

तत्कालीन बदालकोट गा.वि.स. सचिव पदमा कार्यरत हाल जिल्ला दैलेख, भैरवी गाउँपालिका वडा नं. ३ को वडा सचिव (खरिदार) गणेश प्रसाद रिजाल समेत २ जना उपर आरोप-पत्र दायर गरिएको।


प्रेस विज्ञप्ति:-मिति २०७६।०४।२४ गते  ।
-------------------------------------------- 
तत्कालीन बदालकोट गा.वि.स. सचिव पदमा कार्यरत हाल जिल्ला दैलेख, भैरवी गाउँपालिका वडा नं. ३ को वडा सचिव (खरिदार) गणेश प्रसाद रिजाल समेत २ जना उपर आरोप-पत्र दायर गरिएको।
------------------------------------------------------------------------------------------
नेपाल सरकारले सशस्त्र द्वन्द्वको समयमा बेपत्ता तथा ज्यान गुमाएका परिवारलाई राहतस्वरूप द्बन्दपीडितहरूलाई उपलब्ध गराएको राहत रकम जिल्ला कालिकोट साबिक बदालकोट गा.वि.स. वडा नं. २ हाल खाँडाचक्र नगरपालिका वडा नं. ११ बस्ने कुल बहादुर शाहीले एउटै व्यक्ति निजको छोरी किस्मता कुमारी शाहीको विगत द्वन्द्वकालमा मृत्यु भएकोमा फरकफरक नामबाट सिफारिस बनाई किस्मता कुमारी शाहीको हकमा मृतक र सुनिता शाहीको हकमा बेपत्तासमेत भनी राज्यको दोहोरो राहत रकम भुक्तानी लिई नेपाल सरकारको रकम हिनामिना तथा दुरुपयोग गरेकोले भन्ने समेत व्यहोराको उजुरी निवेदन सम्बन्धमा अनुसन्धान गरी तत्कालीन अवस्थामा बदालकोट गा.वि.स. सचिव पदमा कार्यरत हाल जिल्ला दैलेख, भैरवी गाउँपालिका वडा नं. ३ को वडा सचिव (खरिदार) गणेश प्रसाद रिजाल र कुल बहादुर शाही विरूद्ध विशेष अदालत काठमाडौंमा आरोप-पत्र दायर गरिएको छ । 
 
आफ्नो पदको दुरुपयोग गरी बुझ्न सकिने विवरणसमेत नबुझी सरकारी कामको संवेदनशीलतालाई नजरअन्दाज गरी हुँदै नभएको मानिस सुनिता शाहीको नाममा किर्ते/झुट्टा नाता प्रमाणित प्रमाणपत्र तथा राहत रकम उपलब्ध गराइदिनु भन्ने किटानी सिफारिससमेत जारी गरी गलत लिखत/कागजात बनाईदिएको र प्रतिवादीमध्येका कुल बहादुर शाहीले सोही आधारमा आफ्नी एकमात्र छोरीको द्वन्द्वकालमा मृत्यु भएकोमा दुईवटा हुन् भनी फरकफरक नामबाट मृतक र बेपत्ता भएतर्फ समेत दोहोरो राहत रकम भुक्तानी लिई निज प्रतिवादी गणेश प्रसाद रिजालको संलग्नतामा बेपत्ता भएको भनी सुनिता शाहीको हकतर्फ बुझिलिएको रु.१०,००,०००।– (दस लाख) नेपाल सरकारको रकम खाइमासी दुरुपयोग तथा हिनामिना गरी नेपाल सरकारलाई हानिनोक्सानी पुर्‍याई भ्रष्टाचार गरेको पुष्टि भएकोले निज प्रतिवादी राष्ट्रसेवक गणेश प्रसाद रिजालले प्रचलित भ्रष्टाचार निवारण ऐन, २०५९ को दफा ९ र सोही ऐनको दफा १७ बमोजिमको कसुर गरेको देखिंदा निजलाई सोही ऐनको दफा ९ बमोजिम जरिवाना तथा कैद सजाय हुनका साथै सोही ऐनको दफा १७ मा उल्लेख भएबमोजिम सोही ऐनको दफा ३ को उपदफा (१) र दफा ३ को उपदफा (१) को खण्ड (ङ) बमोजिम सजाय गरी सोही ऐनको दफा १७ बमोजिम नेपाल सरकारलाई हानिनोक्सानी भएको विगो रु.१०,००,०००।– (दस लाख) समेत असुलउपर हुन समेत मागदावी लिइएको छ ।
 
प्रतिवादी कुल बहादुर शाहीले गा.वि.स.का सचिव (खरिदार) राष्ट्रसेवक प्रतिवादी गणेश प्रसाद रिजालसँग मिलेमतोगरी नेपाल सरकारलाई नोक्सानी तथा आफुलाई गैरकानूनी लाभ पुर्‍याउने बदनियतले आफ्नी एकमात्र छोरीको द्वन्द्वकालमा मृत्यु भएकोमा दुईवटा हुन् भनी फरकफरक नामबाट मृतक र बेपत्ता भएतर्फ समेत दोहोरो राहत रकम बुझिलिएको देखिंदा बेपत्ता भएको भनी सुनिता शाहीको हकतर्फ बुझिलिएको रु.१०,००,०००।– (दस लाख) नेपाल सरकारको रकम खाईमासी दुरुपयोग तथा हिनामिना गरी नेपाल सरकारलाई हानिनोक्सानी पुर्‍याई भ्रष्टाचार गरेको पुष्टि भएकोले निज प्रतिवादी कुलबहादुर शाहीले भ्रष्टाचार निवारण ऐन, २०५९ को दफा ८ को उपदफा (४) बमोजिमको कसुर गरेको देखिंदा निजले नेपाल सरकारको विगो रु.१० लाख रकम खाई मासेको देखिँदा निजको हकमा रु.१०,००,०००।– (दस लाख) विगो कायम गरी सोही ऐनको दफा ८ को उपदफा (४) मा उल्लेख भएबमोजिम सजाय गरी खाई मासेको उक्त विगो असुल गरी जफत हुन समेतको मागदावी लिई आज विशेष अदालत काठमाडौंमा आरोप-पत्र दायर गरिएको छ ।
प्रदीपकुमार कोइराला
प्रवक्ता

Download Now
  

Other Press Release

सशस्त्र प्रहरी बल बि.ओ.पी. भजनी कैलालीका प्रहरी निरीक्षक रबिन्द्र कार्की, प्रहरी सहायक हवल्दार ज्ञान बहादुर चौधरी र प्रहरी जवान रतिराम चौधरी बिरुद्ध आरोपपत्र दायर गरिएको ।
2019/11/06
जिल्ला झापा, साविक जिल्ला विकास समितिको कार्यालय अन्तर्गत गा.वि.स. सचिवमा कार्यरत लोकराज बराल बिरुद्ध आरोपपत्र दायर गरिएको ।
2019/11/06
सशस्त्र प्रहरी बल, बेस क्याम्प सेमरी, नवलपरासी (बर्दघाट सुस्ता पश्चिम) का सशस्त्र प्रहरी सहायक हवल्दार ज्ञानेन्द्र कुमार मौर्य बिरुद्ध आज विशेष अदालत काठमाडौंमा आरोपपत्र दायर गरिएको ।
2019/11/06
जिल्ला काठमाडौं टोखा नगरपालिका वडा नं.६ स्थित, लायन्स ईन्जिनियरिङ्ग कन्स्ट्रक्सन एण्ड कन्सल्टेन्सी प्रा.लि.का ओभरसियर प्रशान्त चौधरी, टोखा नगरपालिकाका ईन्जिनियर दिनेश कुमार पाठक र लेखापढी व्यवसाय गर्ने जयराम तिमिल्सिना बिरुद्ध आज विशेष अदालत काठमाडौंमा आरोपपत्र दायर गरिएको ।
2019/11/04
जिल्ला अदालत सिरहाका हलुका सवारी चालक व्रिजमोहन यादव र विरदेव सिंह भन्ने विरीदेव महतोउपर आरोपपत्र दायर ।
2019/10/31
भूमिसुधार तथा मालपोत कार्यालय राजविराज, सप्तरीमा कार्यरत कार्यालय सहयोगी अर्जुन कुमार मण्डल उपर आरोप पत्र दायर।
2019/10/24
जिल्ला पर्सा, नेपाल राष्ट्रिय आधारभूत विद्यालय, वीरगञ्ज महानगरपालिका वडा नं. ३१ बेहवा प्रसौनी पर्साका प्रधानाध्यापक सचिन्द्रकुमार कापरसमेत ५ जना उपर आरोप पत्र दायर।
2019/10/24