प्रतिवादी बालेश्वर यादवसमेत रहेको भ्रष्टाचार मुद्दामा विशेष अदालतबाट भएको फैसलाउपर आयोगलाई चित्त नबुझी सम्मानित सर्वोच्च अदालतमा पुनरावेदन गरिएको।
प्रेस विज्ञप्ति :- मिति २०८२।०३।२२ गते।
---------------------------------------------
अख्तियार दुरुपयोग अनुसन्धान आयोगबाट राष्ट्रिय माध्यामिक विद्यालय लौकही सुनसरीका शिक्षक बालेश्वर यादव समेतका प्रतिवादी उपर न्युरो हेल्थ कलेज विराटनगरमा अध्ययनरत रहँदाको अवधि मध्ये मिति २०७५ साल आश्विन देखि २०७६ साल फागुन सम्मको विद्यालय तथा गाउँपालिकाको कार्यालय समेतको फर्जी हाजिरी समेत गरी/गराई रू.१,३०,८४३।०२ तलव भत्ताको रुपमा गैरकानूनी लाभ लिएको देखिएकोले भ्रष्टाचार निवारण ऐन २०५९ को दफा ८ को उपदफा (३) बमोजिमको कसुरमा सोही ऐनको दफा ८ को उपदफा (३) अनुसार कैद तथा विगो बमोजिम जरिवाना हुन मागदाबी लिई विशेष अदालत, काठमाडौंमा आरोपपत्र दायर गरिएकोमा विशेष अदालतले मिति २०८१।०२।१३ को फैसलाबाट सफाई दिएकोले उपरोक्त फैसलाउपर मिति २०८२।०३।२२ गते सम्मानित सर्वोच्च अदालतमा पुनरावेदन गरिएको छ।
प्रवक्ता
राजेन्द्र कुमार पौडेल