नेपाल खानेपानी संस्थान, पोखरा शाखा, बिन्दवासिनी इकाईमा करार सेवामा सहायक/प्रशासन पदमा कार्यरत कृष्णहरि वाग्लेउपर बिगो रु. २५,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
प्रेस विज्ञप्ति:- मिति २०७७।०६।१४ गते।
------------------------------------------
नेपाल खानेपानी संस्थान, पोखरा शाखा, बिन्दवासिनी इकाईमा सहायक/प्रशासन पदमा कार्यरत कृष्णहरि वाग्लेले सेवाग्राहीसँग खानेपानी उपभोग गरेबापत खानेपानी शुल्क तिर्न जाँदा विभिन्न बहानामा घुस/रिसवत माग गरेको भन्ने उजुरी एवं सूचनाका आधारमा अख्तियार दुरुपयोग अनुसन्धान आयोगको कार्यालय पोखराबाट खटिई गएको टोलीले निज प्रशासन सहायक कृष्णहरि वाग्लेलाई सेवाग्राहीबाट रु. २५,०००।– (पचीस हजार) घुस/रिसवत लिएको अवस्थामा नियन्त्रणमा लिएको थियो ।
अनुसन्धानको सिलसिलामा नेपाल खानेपानी संस्थान, पोखरा शाखा, बिन्दबाशिनी इकाईमा करार सेवामा सहायक/प्रशासन पदमा कार्यरत कृष्णहरि वाग्लेले सेवाग्राहीसँग खानेपानीको धाराको मिटर बिग्रिएकोले उक्त मिटरका कारण बढी उठेको महसुल रकम मिलाई नयाँ मिटर परिवर्तन गरिदिने प्रयोजनका लागि रु. २५,०००।– घुस/रिसवत माग गरी लिएको पुष्टि हुन आई निजले भष्ट्राचार निवारण ऐन, २०५९ को दफा ३ को उपदफा (१) को कसुर गरेको स-प्रमाण पुष्टि भएकोले निज कृष्णहरि वाग्लेलाई बिगो रु. २५,००० (पच्चीस हजार) कायम गरी भष्ट्राचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (क) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ।
प्रवक्ता
तारानाथ अधिकारी
Tweet