पोखरा महानगरपालिकामा कार्यरत तत्कालीन नगर प्रहरी सहायक निरीक्षक (सहायकस्तर चौथो) लोक बहादुर कामीउपर शैक्षिक योग्यताको नक्कली (झुठ्ठा) प्रमाणपत्र सम्बन्धी आरोप-पत्र दायर।
प्रेस विज्ञप्ति :- मिति २०७७।०३।२३ गते ।
-------------------------------------------------
पोखरा महानगरपालिकामा कार्यरत नगर प्रहरी लोक बहादुर बि.क. ले नक्कली शैक्षिक योग्यताको प्रमाणपत्र बनाई स्थायी नियुक्ति लिएको तथा पदोन्नती भएको भन्ने उजुरी सम्बन्धमा अनुसन्धान हुँदा निजले श्री ५ इन्द्रराज्यलक्ष्मी माध्यमिक विद्यालय, कास्कीबाट कक्षा-१० टेष्ट परीक्षा उत्तीर्ण गरेको झुठ्ठा शैक्षिक प्रमाणपत्र पेश गरी सेवामा प्रवेश गरी बढुवासमेत भएको देखिएकोले निजको उक्त कार्य भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर देखिएको हुँदा निज तत्कालीन नगर प्रहरी सहायक निरीक्षक (सहायकस्तर चौथो) लोक बहादुर कामीलाई भ्रष्टाचार निवारण ऐन, २०५९ को दफा १६ को उपदफा (१) बमोजिम दण्ड सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।
प्रवक्ता
प्रदीपकुमार कोइराला
Tweet